ଆନନ୍ଦପୁର: ଯାତ୍ରୀବାହୀ ବସରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ୨୫ ରୁ ଉର୍ଦ୍ଧ୍ଵ ଯାତ୍ରୀ। ଘଟଣା ଘଟିଛି କେନ୍ଦୁଝର ଜିଲ୍ଲା ନନ୍ଦିପଦା ଥାନା ହାଟଡ଼ିହି ତହସିଲ ଛକ ନିକଟରେ । ଭଦ୍ରକରୁ ଖିଚିଂ ଯାଉଥିବା ଶ୍ରୀଲକ୍ଷ୍ମୀ ନାମକ ଏକ ଘରୋଇ ବସ ହାଟଡିହି ତହସିଲ୍ ଛକ ନିକଟରେ ଯାଉଥିବାବେଳେ ହଠାତ ନିଆଁ ଲାଗିଯାଇଥିବା ଦେଖିବାକୁ ମିଳିଛି । ତେବେ ଏଥିରେ କେହି ଯାତ୍ରୀ ମୃତାହତ ହୋଇନଥିବା ସୂଚନା ରହିଛି ।
ଯାତ୍ରୀବାହୀ ବସରେ ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
ଯାତ୍ରୀବାହୀ ବସରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ୨୫ ରୁ ଉର୍ଦ୍ଧ୍ଵ ଯାତ୍ରୀ। ଅଧିକ ପଢନ୍ତୁ...
ଯାତ୍ରୀବାହୀ ବସରେ ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
ମିଲିଥିବା ଖବର ଅନୁସାରେ ବସର ଇଞ୍ଜିନରୁ ପ୍ରବଳ ଧୁଆଁ ବାହାରୁଥିବା ଦେଖିବାକୁ ମିଳିଥିଲା । ଫଳରେ ଭୟଭୀତ ହୋଇ ଡ୍ରାଇଭର୍ ବସକୁ ରାସ୍ତା କଡରେ ଅଟକାଇ ଦେବାରୁ ଯାତ୍ରୀମାନେ ବସରୁ ଓହ୍ଲାଇ ପଳାଇ ଯିବାରେ ସକ୍ଷମ ହୋଇଥିଲେ । ପରେ ବସରେ ନିଆଁ ଲାଗିଯାଇଥିଲା । ସ୍ଥାନୀୟ ଲୋକମାନେ ପହଞ୍ଚି ନିଆଁ ଲିଭାଇବାକୁ ଚେଷ୍ଟା କରିଥିଲେ । ପରେ ଛେନାପଦିରୁ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ , ଇଟିଭି ଭାରତ