କେନ୍ଦୁଝର: ଆଗକୁ ଆସୁଛି ସାଧାରଣ ନିର୍ବାଚନ । ନିର୍ବାଚନ ପାଇଁ ଭାରତୀୟ ଜନତା ପାର୍ଟି ପକ୍ଷରୁ ବିଧାନସଭା ଓ ଲୋକସଭାର ଟିକଟ ଘୋଷଣା କରାଯାଇଛି । କିନ୍ତୁ ଟିକେଟ ଘୋଷଣା ପରେ ଦେଖା ଦେଇଛି ଅସନ୍ତୋଷ । ବହୁ ସ୍ଥାନରେ ଦୀର୍ଘ ଦିନ ଧରି କାର୍ଯ୍ୟ କରିଥିବା କର୍ମୀଙ୍କୁ ଟିକେଟ ନମିଳିବା ନେଇ ଜିଲ୍ଲା କାର୍ଯ୍ୟଳୟରୁ ରାଜ୍ୟ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରିବା ସହ ଏହାକୁ ତାଲା ପକାଇଛନ୍ତି ଶତାଧିକ କର୍ମୀ ।
ଭିଡିଓ ସୌଜନ୍ଯ: ସମ୍ବାଦଦାତା, କେନ୍ଦୁଝର
ତେବେ ଆଜି ଟିକେଟ ଘୋଷଣା ପରେ ପାଟଣା ନିର୍ବାଚନ ମଣ୍ଡଳୀର ଶତାଧିକ କର୍ମୀ ଆସି କେନ୍ଦୁଝର ବିଜେପି ଜିଲ୍ଲା କାର୍ଯ୍ୟାଳୟରେ ଭଙ୍ଗାରୁଜା କରିଥିଲେ । ଏହାସହ କାର୍ଯ୍ୟାଳୟରେ ତାଲା ମଧ୍ୟ ପକାଇଥିଲେ । ଜିଲ୍ଲା ନେତାଙ୍କ ସହ ଜିଲ୍ଲା ପ୍ରଭାରୀ ମଧ୍ୟ ଟିକେଟ ବଣ୍ଟନରେ ଅନିୟମିତତା ଓ ଟଙ୍କା କାରବାର ହୋଇଥିବା ଅଭିଯୋଗ କରିଛନ୍ତି ।