କେନ୍ଦୁଝର: ଚାଷୀଙ୍କ ବିକାଶ ପାଇଁ ସରକାର ପ୍ରଣୟନ କରୁଛନ୍ତି ମାଳମାଳ ଯୋଜନା । ସୂର୍ଯ୍ୟମୁଖୀ, ବିରି ଆଉ ମୁଗ ଚାଷ ପାଲଟିଛି ଅର୍ଥ ଆମଦାନୀର ପ୍ରମୁଖ ମାଧ୍ୟମ। ଏହି ଫସଲ କରୁଥିବା ଚାଷୀଙ୍କୁ ପ୍ରୋତ୍ସାହିତ କରାଯାଉଛି କିନ୍ତୁ ସେମାନଙ୍କ କ୍ଷେତରେ କରାଯାଉନି ଜଳସେଚନର ସୁବିଧା । ଫଳରେ ଅନେକ ଉତ୍ସାହୀ ଚାଷୀ ଏହି ଚାଷ କରିବାରୁ ମୁହଁ ବୁଲାଇ ନେଉଛନ୍ତି ।
ଭିଡିଓ ସୌଜନ୍ଯ : ସମ୍ବାଦଦାତା, କେନ୍ଦୁଝର
ଏଭଳି ଲାଭଜନକ ସୂର୍ଯ୍ୟମୁଖୀ ଚାଷ ପ୍ରତି ଚାଷୀଙ୍କ ଆଗ୍ରହ ବୃଦ୍ଧି ପାଉଥିଲା ବେଳେ କୃଷି ବିଭାଗ ଅନେକ ସମୟରେ ବିହନ ଦେଇ ଦାୟିତ୍ୱ ସାରି ଦେଉଛି। କିନ୍ତୁ ଜଳସେଚନ ବ୍ୟବସ୍ଥା କିପରି ମିଳିପାରିବ ସେ ନେଇ ପଦକ୍ଷେପ ନେଉ ନ ଥିବାରୁ ଚାଷୀମାନଙ୍କ ମନରେ ଅସନ୍ତୋଷ ପ୍ରକାଶ ପାଉଛି।