କେନ୍ଦୁଝର : ଜିଲ୍ଲା ପୁରୁଣା ସହର ଠାରେ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ଦ୍ୱିତୀୟ କ୍ୟାମ୍ପସ ପ୍ରତିଷ୍ଠା କରାଯାଇଛି । କିନ୍ତୁ ଏହି ଦ୍ୱିତୀୟ କ୍ୟାମ୍ପସ ଗଠନ ଦିନ ଠାରୁ ଏଠାରେ ସମସ୍ୟା ଦୂର ହେବାର ନାଁ ନେଉନାହିଁ । କେତେବେଳେ ଶ୍ରେଣୀଗୃହ ସମସ୍ୟା ତ ଆଉ କେତେବେଳେ ପରୀକ୍ଷା ସଠିକ ନ ନେବା ନେଇ ଲାଗି ରହିଛି ସମସ୍ୟା । ଏହି ଦ୍ୱିତୀୟ କ୍ୟାମ୍ପସ ହେବା ଦିନ ଠାରୁ ସୁରକ୍ଷା ବ୍ୟବସ୍ଥା ନେଇ ବହୁବାର ଛାତ୍ରଛାତ୍ରୀ ଆନ୍ଦୋଳନ ଚଳାଇଛନ୍ତି । ଏହିଭଳି ତେର ଦଫା ନେଇ ତିନି ଦିନ ଧରି ଦ୍ୱିତୀୟ କ୍ୟାମ୍ପସର ଶତାଧିକ ଛାତ୍ରଛାତ୍ରୀ ଗେଟରେ ତାଲା ପକାଇ ଧାରଣା ଦେଇ ଆସୁଥିଲେ ।
ତିନି ଦିନର ଧାରଣା ପରେ ଆଜି ( ଶୁକ୍ରବାର) ବିଶ୍ୱବିଦ୍ୟାଳୟର ଉପକୁଳପତି କେନ୍ଦୁଝର ଆସି ପହଁଞ୍ଚିଥିଲେ । ଉପକୁଳପତି ପହଁଞ୍ଚିଲା ପରେ ଛାତ୍ରଛାତ୍ରୀ ମାନେ ତାଙ୍କୁ ଉପୁଜିଥିବା ଅସୁବିଧା ନେଇ କ୍ୟାମ୍ପସ ବୁଲାଇ ଦେଖାଇଥିଲେ । କ୍ୟାମ୍ପସ ବୁଲିବା ପରେ ଉପକୁଳପତି ଧାରଣାରତ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ଏହି ଆଲୋଚନା ସମୟରେ ଉପକୁଳପତି ଓ ଛାତ୍ରଛାତ୍ରୀଙ୍କ ମଧ୍ୟରେ କିଛି ଅପ୍ରିତିକର ପରିସ୍ଥିତି ଉପୁଜିଥିଲା ।