କେନ୍ଦୁଝର: ସରକାର ଗାଁକୁ ଗାଁ ରାସ୍ତା ବନେଇ ଯୋଗାଯୋଗ ବ୍ୟବସ୍ଥାକୁ ସୁଦୃଢ଼ କରୁଥିବା ଡିଣ୍ଡିମ ପିଟିବାରେ ବ୍ୟସ୍ତ । କିନ୍ତୁ ସରକାରଙ୍କ ଡିଣ୍ଡିମ ଠାରୁ ଭିନ୍ନ ଦୃଶ୍ୟ ଗାଁ ଗୁଡିକରେ ଦେଖିବାକୁ ମିଳିଥାଏ । ଏନେଇ ଗ୍ରାମବାସୀ ସରକାର ପାଖରେ ଯେତେ ଗୁହାରି ଜଣାଇଥିଲେ ମଧ୍ୟ କେହି ଶୁଣୁନଥିବା ଅଭିଯୋଗ ହେଉଛି । ଏହାର ଏକ ଚିତ୍ର ଦେଖିବାକୁ ମିଳିଛି ତେଲକୋଇ ବ୍ଲକ କରଦାଙ୍ଗି ଗ୍ରାମରେ ।
ଭିଡିଓ ସୌଜନ୍ୟ- ସମ୍ବାଦଦାତା, କେନ୍ଦୁଝର
ଦିନେ ବହିରେ ପଢିଥିଲୁ ବିଦ୍ୟାଳୟକୁ ଯାଉଥିବା ବେଳେ କାଦୁଅରେ ପଡିଯିବାରୁ ଖରା ଛୁଟିରେ ସାଙ୍ଗ ମାନଙ୍କ ସହ ମିଶି ଗାଁ ରାସ୍ତା ସଜାଡିଥିଲେ ଉତ୍କଳ ଗୌରବ ମଧୁସୂଦନ ଦାସ । ତେବେ ଏହି ଚିତ୍ର ପୁଣିଥରେ ଦେଖିବାକୁ ମିଳିଛି ଉକ୍ତ କରଦାଙ୍ଗି ଗ୍ରାମରେ । ଗାଁରେ ରହିଛି ଉଚ୍ଚ ପ୍ରାଥମିକ ବିଦ୍ୟାଳୟ । କିନ୍ତୁ ଏହି ବିଦ୍ୟାଳୟ କୁ ଯିବାକୁ ପକ୍କା ସଡକ ଟିଏ ନଥିବାରୁ ବର୍ଷାରେ ଛାତ୍ରଛାତ୍ରୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।