ଟ୍ରକ୍ ଧକ୍କାରେ ସୁରକ୍ଷାକର୍ମୀ ମୃତ, ଚାଳକ ଅଟକ

20 ନମ୍ବର ଜାତୀୟ ରାଜପଥ କେନ୍ଦୁଝର ନିକଟରେ ଟ୍ରକ ଧକ୍କାରେ ଜଣେ ସୁରକ୍ଷାକର୍ମୀଙ୍କ ମୃତ । ଅଧିକ ପଢନ୍ତୁ...

କେନ୍ଦୁଝର: ଜିଲ୍ଲା ସ୍ଥିତ ସଦର ଥାନା ଅନ୍ତର୍ଗତ଼ ୨୦ନମ୍ବର ଜାତ଼ୀୟ ରାଜପଥ ନେକଡ଼ାଘର ନିକଟରେ ସଡକ ଦୁର୍ଘଟଣା ଘଟି ଜଣେ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଛି । ଦୁର୍ଘଟଣା ଘଟାଇଥିବା ଗାଡିକୁ ଜବତ ରଖିବା ସହ ଗାଡି ଚାଳକଙ୍କୁ ଅଟକ ରଖିଛି ପୋଲିସ ।

ମୃତକ ଜଣକ ହେଲେ ବଡ଼ପୋଶି ଗ୍ରାମର ଚନ୍ଦ୍ର ମୋହନ ନାଏକଙ୍କ ପୁଅ ତରୁଣ କୁମାର ନାଏକ । ସୂଚନା ଅନୁସାରେ, ତରୁଣ ଶଙ୍କରପୁର ରବିନ୍ଦ୍ର ବିଦ୍ୟା ନିକେତନ ଶିକ୍ଷାନୁଷ୍ଠାନରେ ସୁରକ୍ଷାକର୍ମୀ ଭାବେ କାର୍ଯ୍ୟକରୁଥିଲେ । ଗତକାଲି(ମଙ୍ଗଳବାର) ବିଳମ୍ବିତ ରାତିରେ ସେ ସ୍କୁଟିରେ ଘରକୁ ଫେରୁଥିବା ସମୟରେ ବିପରୀତ଼ ଦିଗରୁ ଆସୁଥିବା ଏକ ୧୪ ଚକିଆ ଦ୍ରୁତଗାମୀ ଟ୍ରକ ତାଙ୍କୁ ଧକ୍କା ଦେଇଥିଲା । ଫଳରେ ତରୁଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ସ୍ୱଚ୍ଛେସେବୀ କୁନାଲ ଚକ୍ରବର୍ତ୍ତୀଙ୍କ ସହାୟତାରେ ଟାଉନ ପୋଲିସ ମୃତଦେହ ଜବତ କରି ପୋଷ୍ଟମଟମ ପାଇଁ ପଠାଇଛି । ଟାଉନ ପୋଲିସ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିବା ସହ ଚାଳକଙ୍କୁ ଥାନାରେ ଅଟକ ରଖିଥିଲା ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ