କେନ୍ଦୁଝର: ଭାଲୁ ଆକ୍ରମଣରେ ଜଣଙ୍କର ମୃତ୍ୟୁ ଅଭିଯୋଗ। କେନ୍ଦୁଝର ସଦର ବନାଞ୍ଚଳ ଅନ୍ତର୍ଗତ ହାଣ୍ଡିଭଙ୍ଗା ପଞ୍ଚାୟତରେ ଏହି ଘଟଣା ଘଟିଛି । କାଳିଆ ମୁଣ୍ଡା ନାମକ ଜଣେ ବ୍ୟକ୍ତି ଜଙ୍ଗଲକୁ ଛତୁ ତୋଳିବାକୁ ଯାଇଥିବା ସମୟରେ ଭାଲୁ ହାବୁଡ଼ରେ ପଡିଯାଇଥିଲେ ।
ସେ ଛତୁ ଗୋଟେଇବା ପାଇଁ ଯାଇଥିବାବେଳେ ଭାଲୁ ତାଙ୍କ ଉପରେ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ପରିବାର ଲୋକେ ବହୁ ଖୋଜାଖୋଜି ପରେ ତାଙ୍କୁ ଜଙ୍ଗଲ ମଧ୍ୟରେ କ୍ଷତାକ୍ତ ଅବସ୍ଥାରେ ପାଇ ଜଙ୍ଗଲ ବିଭାଗକୁ ଜଣାଇଥିଲେ ।