କେନ୍ଦୁଝର: ଜିଲ୍ଲାରେ ହାତୀ ଆତଙ୍କ ଥମିବାର ନାଁ ନେଉନି । ବନଖଣ୍ଡର ଭୂୟାଁ ଜୁଆଙ୍ଗ ପିଢ (ବିଜେପି) ରେଞ୍ଜ ଅନ୍ତର୍ଗତ ଦଅଁଳା ଗ୍ରାମରେ ହାତୀ ଆକ୍ରମଣରେ ବୃଦ୍ଧା ମୃତ ।
ଉକ୍ତ ବୃଦ୍ଧାଙ୍କ ନାମ କାଡ଼ମି ମୁଣ୍ଡା ବୋଲି ଜଣାପଡ଼ିଛି । କାଡମି ରାତିରେ ହାତୀ ଘଉଡାଇବାକୁ ଯାଇଥିବାବେଳେ ହାତୀ ହାବୁଡ଼ରେ ପଡିଯାଇଥିଲେ। ଫଳରେ ହାତୀ ତାଙ୍କୁ ଦଳି ଦେଇଥିଲା ।
ଦୀର୍ଘ ଦିନ ଧରି ଏହି ରେଞ୍ଜ ଅଞ୍ଚଳରେ 20ରୁ ଊର୍ଦ୍ଧ୍ବ ହାତୀ ଆତଙ୍କ ରଚୁଛନ୍ତି । ଏଥି ମଧ୍ୟରୁ ଦନ୍ତା ହାତୀଟିଏ ଏହି ଅଞ୍ଚଳରେ ପଶି ଘର ଭାଙ୍ଗିବା ସହ ଚାଉଳ ଖାଇ ବ୍ୟାପକ ଧନ ସମ୍ପତ୍ତି ନଷ୍ଟ କରିଛି । ଘଟଣାସ୍ଥଳରେ ବନ ବିଭାଗର ଅଧିକାରୀ ପହଞ୍ଚି ବୃଦ୍ଧାଙ୍କ ମୃତଦେହ ଜବତ କରିବା ସହ ହାତୀ ଘଉଡାଇବାକୁ ଚେଷ୍ଟା ଜାରି ରଖିଥିବା ଜଣାପଡ଼ିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ