କେନ୍ଦୁଝରରେ ଗାଇ ଚରାଇବାକୁ ଯାଇ ବଜ୍ରାଘାତରେ ମହିଳା ମୃତ

ବିଲରୁ ଗାଇ ଆଣିବାକୁ ଯାଇ ବଜ୍ରାଘାତରେ ପ୍ରାଣ ହରାଇଲେ ମହିଳା । ବଜ୍ରାଘାତରେ ଜଣଙ୍କର ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି ।

କେନ୍ଦୁଝର: ଜିଲ୍ଲାରେ ବଜ୍ରାଘାତରେ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ମୃତକ ହେଲେ ଉଖୁଣ୍ଡା ଅଞ୍ଚଳର ସଂଯୁକ୍ତା ମହାନ୍ତ ଓ ଗୁରୁତର ପଙ୍କଜିନି ମହାନ୍ତ । ପଙ୍କଜିନୀକୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାମୂତାବକ, ବିଲକୁ ଗାଈ ଆଣିବାକୁ ଯାଇଥିବା ସମୟରେ ଉଭୟ ବଜ୍ରାଘାତର ଶିକାର ହୋଇଥିଲେ । ଗୁରୁତର ଅବସ୍ଥାରେ ପଙ୍କଜିନିଙ୍କୁ କଟକ ସ୍ଥାନାନ୍ତରିତ କରାଯାଇଛି । ଖବରପାଇ ପୋଲିସ ଘଟଣାସ୍ଥଳରେ ପୋଲିସ ପହଞ୍ଚି ସଞ୍ଜୁକ୍ତାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ