ଆନନ୍ଦପୁର: ଦୀର୍ଘ ୮ ମାସ ହେବ କୋରୋନା କଟକଣା ପାଇଁ ହାତବାନ୍ଧି ବସିଥିବା ବେଳେ, ଦିପାବଳୀ ପାଇଁ ଦୀପ ସହ ମାଟି ଜିନିଷ ତିଆରି କରିଛନ୍ତି କେନ୍ଦୁଝର ଘସିପୁରା ବ୍ଳକ କେଶଦୁରାପାଳ ଗାଁର କୁମ୍ଭକାର ମାନେ । ହେଲେ ସେସବୁକୁ ବିକ୍ରି କରିବା ନେଇ ଏବେ ଚିନ୍ତାରେ ଅଛନ୍ତି କୁମ୍ଭକାର । କାରଣ କୋରୋନା ମହାମାରୀ କାରଣରୁ ମାନ୍ଦା ରହିଛି ବ୍ୟବାସାୟ । ପୂର୍ବ ପରି ହାଟ ବଜାର ବସୁ ନଥିବାରୁ ଏସବୁ ସାମଗ୍ରୀ ବିକ୍ରି କରିବାରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି ଏମାନେ ।
କୋରୋନା ଦାଉ: ମାନ୍ଦା ପଡିଛି ଦୀପ ବ୍ୟବସାୟ, କାନ୍ଦୁଛି କୁମ୍ଭାର ସମାଜ
ପୂର୍ବରୁ ଯେଉଁ ସାମଗ୍ରୀ ମାନ ପ୍ରସ୍ତୁତ ହେଉଥିଲା ବ୍ୟବସାୟୀ ମାନେ ସେସବୁକୁ ନେଇଯାଉଥିଲେ, ହେଲେ ବେପାର ମାନ୍ଦା ଥିବାରୁ ଏଥର ଏହି ସବୁ ସାମଗ୍ରୀ ପଡି ରହିଛି । କୁମ୍ଭାର ମାନଙ୍କୁ ସେମାନଙ୍କ ଜିନିଷର ଉଚିତ ମୂଲ୍ୟ ମିଳିପାରୁ ନଥିବା ବେଳେ, କଞ୍ଚାମାଲ ଓ ଜାଳେଣିର ସମସ୍ୟା ମଧ୍ୟ ଲାଗିରହିଛି । ଯାହାକୁନେଇ ସରକାରୀ ସହାୟତା ଦାବି ହୋଇଛି ।