କେନ୍ଦୁଝର: ବାମବାରି ଥାନା ଅନ୍ତର୍ଗତ ରୁଙ୍ଗଟା କମ୍ପାନୀର ଜଜାଙ୍ଗ ମାଇନ୍ସରେ କାର୍ଯ୍ୟରତ ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡିଛି । ଶ୍ରମିକଙ୍କ ନାମ ରାମ ମୁଣ୍ଡା । ଶ୍ରମିକ ଜଣଙ୍କ ମାଇନ୍ସରେ କାର୍ଯ୍ୟ କରୁଥିବାବେଳେ ଲୋଡର ମେସିନ ତଳେ ଚାପି ହୋଇ ତାଙ୍କର ମୃତ୍ୟୁ ହୋଇଥିବା ପ୍ରତ୍ୟକ୍ଷଦର୍ଶୀଙ୍କଠାରୁ ଜଣା ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ମୁତାବକ ମାଇନ୍ସ ମଧ୍ୟରେ ଏହି ଦୁର୍ଘଟଣା ଘଟିଥିଲେ ମଧ୍ୟ ବହୁ ସମୟ ପର୍ଯ୍ୟନ୍ତ କମ୍ପାନୀର ଆମ୍ବୁଲାନ୍ସ ଆସି ନଥିଲା । ପରେ ସାଥୀ ଶ୍ରମିକମାନେ ଏକତ୍ରିତ ହେବା ଦେଖି କମ୍ପାନୀର ଆମ୍ବୁଲାନ୍ସ ଆସି ମୃତ ଶ୍ରମିକଙ୍କ ମୃତ ଶରୀରକୁ ଉଦ୍ଧାର କରାଇଥିଲେ । ହେଲେ ଶ୍ରମିକଙ୍କ ମରଶରୀରକୁ ଯୋଡାସ୍ଥିତ ଟିସ୍କୋ ହସ୍ପିଟାଲରେ କମ୍ପାନୀ ଆମ୍ବୁଲାନ୍ସ ଛାଡି ଚାଲିଯାଇଥିବା ଅଭିଯୋଗ ହୋଇଛି ।