କେନ୍ଦୁଝର: ସହରର ମଧ୍ୟରେ ଦୁଇ ଗୋଟି ଜାତୀୟ ରାଜପଥ ଯାଇଥିବା ବେଳେ ରାସ୍ତା ଦେଇ ପ୍ରତିଦିନ ହଜାର ହଜାର ଭାରି ଯାନ ଚଳାଚଳ କରୁଛି । ରକ୍ଷଣାବେକ୍ଷଣ ଅଭାବରୁ ସହର ମଧ୍ୟରେ ରାସ୍ତା ଗୁଡିକ ନଷ୍ଟ ହୋଇଗଲାଣି। ରାସ୍ତା ମଝିରେ ବଡ଼ ବଡ଼ ଗାଢ଼ ହୋଇ ଯିବାରୁ ଯାନବାହନ ଚଳାଚଳ ପାଇଁ ଅସୁବିଧା ହେଉଛି ।
ରାସ୍ତା ଖରାପ ନେଇ ପ୍ରଶାସନକୁ ଅବଗତ କରାଇଥିଲେ ମଧ୍ୟ କିଛି ସୁଫଳ ମିଳୁନି । ସେଥିପାଇଁ ଏହି ରାସ୍ତା ଉପରେ ଥିବା ଗାଢ଼ ଗୁଡିକୁ ଭରିବାକୁ ଅଣ୍ଟା ଭିଡିଥିଲେ ଯୁବ ଗୋଷ୍ଠୀ । ସ୍ୱାଧୀନତା ଦିବସ ଉପଲକ୍ଷେ କେନ୍ଦୁଝର ସହରରେ ଥିବା ପାଠଶାଳା ଶିକ୍ଷାନୁଷ୍ଠାନର ଯୁବକମାନେ ଗାଢ଼ଗୁଡିକରୁ ପାଣି ବାହାର କରି ଗୋଡି ମାଟି ଭର୍ତ୍ତି କରିଥିଲେ । ପାଠଶାଳାର ଯୁବକ ଯୁବତୀମାନେ ନିଜ ଖର୍ଚ୍ଚରେ ଗୋଡି ମାଟି ଆଣି ଏହି ଖାଲ ଖମା ଭରିଥିଲେ । ଆଗାମୀ ଦିନରେ ଏହି ଭଳି ସେବା କାର୍ଯ୍ୟ ଜାରି ରଖିବେ ବୋଲି ପାଠଶାଳାର ଅଧିକାରୀ କହିଛନ୍ତି।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ