କେନ୍ଦୁଝର: କୋରୋନା ସାରା ଦେଶରେ ମହାମାରୀ ଭୟଙ୍କର ରୂପ ନେଇଛି । ଏହି ମହାମାରୀ ପାଇଁ ସରକାର ବିଭିନ୍ନ ସମୟରେ ନୂଆ ଗାଇଡ଼ଲାଇନ ପ୍ରସ୍ତୁତ କରୁଛନ୍ତି । ଅନଲକ-3 ରେ ସାଧାରଣ ନାଗରିକଙ୍କ ପାଇଁ ବହୁ ନିୟମକୁ ସରକାର କୋହଳ କରିଥିବା ବେଳେ ପ୍ରଶାସନିକ କାର୍ଯ୍ୟରେ ମଧ୍ୟ ନିୟମକୁ ସାମାନ୍ୟ କୋହଳ କରିଛନ୍ତି । ଚଳିତ ବର୍ଷ ସ୍ବାଧୀନତା ଦିବସ ପାଳନ ପାଇଁ ରାଜ୍ୟ ସରକାର ଏକ ଗାଇଡଲାଇନ ଜାରି କରିଛନ୍ତି ।
କୋଭିଡ଼ ଗାଇଡ଼ଲାଇନ ଅନୁସାରେ ପାଳନ ହେବ ସ୍ବାଧୀନତା ଦିବସ
ଜିଲ୍ଲାରେ ଅନଲକ ୩ ପରେ ଜୁଲାଇ ମାସ ପରେ ଅଗଷ୍ଟ ମାସରେ ସାପ୍ତାହିକ ସଟଡାଉନ ଜାରି ରହିଛି । ଚଳିତ ବର୍ଷ ସ୍ବାଧୀନତା ଦିବସ ଏହି ସଟଡାଉନ ମଧ୍ୟରେ ପଡ଼ୁଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଗାଇଡ଼ଲାଇନରେ ସାମାନ୍ୟ ପରିବର୍ତ୍ତନ କରାଯାଇଛି । ସ୍ବାଧୀନତା ଦିବସ ପାଳନ ସଟଡାଉନ ମଧ୍ୟରେ ସକାଳ 6 ରୁ ଦିନ 11 ଟା ପର୍ଯ୍ୟନ୍ତ ପାଳିତ ହୋଇପାରିବ ବୋଲି ଜିଲ୍ଲାପାଳ ଆଶିଷ ଠାକରେ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।