କେନ୍ଦୁଝର: ସ୍ତ୍ରୀର ଠେଙ୍ଗା ମାଡ଼ରେ ସ୍ବାମୀର ମୃତ୍ୟୁ ଅଭିଯୋଗ । କେନ୍ଦୁଝରର ବାମେବାରି ଥାନା ଅନ୍ତର୍ଗତ ବଳଦା ପଞ୍ଚାୟତର ସିଲିଯୋଡା ବେଲ୍ ହାଟିଙ୍ଗ ଠାରେ ଏହି ଅଘଟଣ ଘଟିଛି । ସିଲିଯୋଡା ବେଲହାଟିଙ୍ଗର ଦୟାଲ ମୁଣ୍ଡାକୁ ତାଙ୍କ ସ୍ତ୍ରୀ ମୁକ୍ତା ମୁଣ୍ଡା ଏକ ଠେଙ୍ଗାରେ ମୁଣ୍ଡକୁ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି ।
ଠେଙ୍ଗା ମାଡ଼ରେ ସ୍ବାମୀର ମୃତ୍ୟୁ
ସ୍ତ୍ରୀଙ୍କ କହିବା ଅନୁସାରେ, ପ୍ରତ୍ୟେକ ଦିନ ମଦ ପିଇ ଦୟାଲ ତାଙ୍କୁ ସନ୍ଦେହ କରି ଝଗଡ଼ା କରିବା ସହ ମାରପିଟ୍ କରିଆସୁଥିଲେ । ଗୁରୁବାର ରାତିରେ ମଧ୍ୟ ସେଇଭଳି ଦୟାଲ ମଦ ପିଇ ଘରକୁ ଆସିଥିଲେ । ଆଉ ପତ୍ନୀଙ୍କ ସହ ଝଗଡ଼ା ସୃଷ୍ଟି କରିବା ସହ ମାରପିଟ୍ ଆରମ୍ଭ କରିଥିଲେ ।