ଆନନ୍ଦପୁର:କେନ୍ଦୁଝର ଜିଲ୍ଲା ନନ୍ଦିପଦା ଥାନା ଅଁରା ଗ୍ରାମରେ ବାଡିରେ କୁକୁଡା ପଶିବାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ ଘଟିଛି । ତେବେ ଏହି ଘଟଣାରେ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
ବାଡିରେ କୁକୁଡା ପଶିବାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ଜଣେ ମୃତ
ଗତ ବୁଧବାର ନନ୍ଦିପଦା ଥାନା ଅଁରା ଗ୍ରାମର ଲକ୍ଷ୍ମୀଧର ମଳିକଙ୍କ କୁକୁଡା ପଡୋଶୀ ଭୀମସେନ ଖଣ୍ଡେଇଙ୍କ ଘରେ ପଶିଥିଲା । ଭୀମସେନ ନିଜ ବାଡିରେ କୀଟନାଶକ ପକାଇଥିବା କାରଣରୁ ଲକ୍ଷ୍ମୀଧରଙ୍କ କୁକୁଡାଟି ମରିଯାଇଥିଲା । ଏହି ଘଟଣାକୁ କେନ୍ଦ୍ର କରି ଦୁହିଁଙ୍କ ମଧ୍ୟରେ କଳହ ହୋଇଥିଲା । ଘଟଣାର ସମାଧାନ କରିବା ପାଇଁ ଶୁକ୍ରବାର ଗ୍ରାମର ଦକ୍ଷିଣ ସାହିରେ ଏକ ଦ୍ବିପାକ୍ଷିକ ବୈଠକ ବସିଥିଲା ।