ଶ୍ବାସନଳୀରେ ଖେଳନା ଅଟକି ଶିଶୁକନ୍ୟାର ମୃତ୍ୟୁ

କୁରକୁରେ ଖାଇବା ବେଳେ ପ୍ୟାକେଟରେ ଥିବା ଖେଳନାକୁ ଗିଳି ଦେଲେ ଦେଢବର୍ଷର ଶିଶୁକନ୍ୟା । ଡାକ୍ତରଖାନା ଯିବା ବାଟରେ ପ୍ରାଣ ହରାଇଲା ଏହି ନିରିହ ଶିଶୁ।

ଆନନ୍ଦପୁର: କେନ୍ଦୁଝର ଜିଲ୍ଲା ହାଟଡିହି କୋଳିପଦି ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା । ଖେଳନା ଗିଳି ଦେବାରୁ ଜଣେ ଦେଢ଼ବର୍ଷ ଶିଶୁକନ୍ୟାର ମୃତ୍ୟୁ ଘଟିଛି ।

ଖବରରୁ ଜଣାଯାଇଛି ଯେ, କୋଳିପଦି ଗ୍ରାମର ବିଦ୍ୟାଧର ଜେନାଙ୍କ ଦେଢ଼ବର୍ଷର ଏକ ଶିଶୁକନ୍ୟା କୁରକୁରେ ପ୍ୟାକେଟରେ ଆସୁଥିବା ଏକ ପ୍ଲାଷ୍ଟିକ ଖେଳନାକୁ ପାଟିରେ ପୁରାଇ ଦେଇଥିଲା । ଖେଳନାଟି ଶିଶୁଟିର ଶ୍ବାସନଳୀରେ ଲାଗିଯାଇଥିଲା ।

ଏହାପରେ ଗୁରୁତର ଅବସ୍ଥାରେ ପରିବାର ଲୋକେ ତାକୁ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ଆନନ୍ଦପୁର ଡାକ୍ତରଖାନା ପହଞ୍ଚିବା ପୂର୍ବରୁ ଶିଶୁଟିର ମୃତ୍ୟୁ ହୋଇ ସାରିଥିଲା । ଡାକ୍ତର ତାକୁ ମୃତ ଘୋଷଣା କରିଥିଲେ ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ,ଇଟିଭି ଭାରତ