କେନ୍ଦୁଝରରୁ ୧୨ ଫୁଟିଆ ଅଜଗର ଉଦ୍ଧାର

କେଲ ସଂରକ୍ଷିତ ଜଙ୍ଗଲରୁ ୧୨ ଫୁଟିଆ ଅଜଗର ଉଦ୍ଧାର କଲା ବନ ବିଭାଗ । ସାପର ଓଜନ ୧୫ କିଲୋଗ୍ରାମ ହେବ । ଅଧିକ ପଢନ୍ତୁ....

କେନ୍ଦୁଝର: ୧୨ ଫୁଟିଆ ଅଜଗର ଉଦ୍ଧାର କଲା ବନ ବିଭାଗ । ଯାହାର ଓଜନ ୧୫ କିଲୋଗ୍ରାମ ହେବ ବୋଲି ଜଣାପଡିଛି । ସୂଚନା ଅନୁସାରେ, କେନ୍ଦୁଝର ସଦର ରେଞ୍ଜ ମଇଦାନ କେଲ ସଂରକ୍ଷିତ ଜଙ୍ଗଲ କାନକୁଳି ଘାଟି ନିକଟ ରାସ୍ତା କଡରେ ଅଜଗରଟି ଶୋଇଥିବା ଦେଖି ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ ।

ଘଟଣାସ୍ଥଳରେ କର୍ମଚାରୀ ପହଞ୍ଚି ସାପଟିକୁ ଉଦ୍ଧାର କରି ସଦର ରେଞ୍ଜ କାର୍ଯ୍ୟାଳୟକୁ ନେଇ ଆସିଥିଲେ । ଅଜଗରଟି ଅସୁସ୍ଥ ଥିବାରୁ ଚିକିତ୍ସା କରିଛି ବନ ବିଭାଗ । ସାପଟି ସୁସ୍ଥ ହେବା ପରେ ତାକୁ ଜଙ୍ଗଲରେ ଛାଡି ଦିଆଯିବ ବୋଲି ସଦର ରେଞ୍ଜର ପ୍ରକାଶ କରିଛନ୍ତି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ