କେନ୍ଦୁଝର: ଜିଲ୍ଲାର ତେଲକୋଇ ରେଞ୍ଜ ଅଧିନସ୍ଥ ପଡାଙ୍ଗ ଗାଁରେ ହାତୀ ଉପଦ୍ରବ କରିଛନ୍ତି। ଗାଁରେ ପଶି ଘର ଭାଙ୍ଗିବା ସହ ବିଲରେ ଧାନ ଫସଲକୁ ମାଡିଦଳି ନଷ୍ଟ କରି ଦେଇଛନ୍ତି । ରବିବାର ବିଳମ୍ବିତ ରାତିରେ ୧୨ଟି ହାତୀ ପଡାଙ୍ଗ ଗାଁରେ ପଶି ରଥ ମହାନ୍ତଙ୍କ ଘର ଭାଙ୍ଗିଥିଲେ ।
ହାତୀ ପଲ ଘର ଭାଙ୍ଗିବା ଦେଖି ରଥ ମହାନ୍ତ ଓ ତାଙ୍କ ସ୍ତ୍ରୀ ଅନ୍ୟ ରାସ୍ତା ଦେଇ ଜୀବନ ବିକଳରେ ଦୌଡି ପଳାଇଥିଲେ । ତେବେ ଦଳରେ ଥିବା ଦନ୍ତାହାତୀ ତାଙ୍କୁ ପଛରୁ ଆକ୍ରମଣ ପାଇଁ ଗୋଡାଇ ଥିଲା ବୋଲି କହିଛନ୍ତି ରଥ ମହାନ୍ତ । ଦମ୍ପତିଙ୍କ ପାଟି ଶୁଣି ଲୋକମାନେ ଉଠି ପଡିଥିଲେ । ଲୋକେ ଏକାଠି ହୋଇ ନିଆଁହୁଳା ସାହାଯ୍ୟରେ ହାତୀ ପଲଙ୍କୁ ଘଉଡାଇଥିଲେ । ଏହି ଆକ୍ରମଣରେ ଅଳ୍ପକେ ବର୍ତ୍ତି ଯାଇଥିଲେ ଦୁଇ ଦମ୍ପତି । ପାଖ ଜଙ୍ଗଲରେ ହାତୀପଲ ରହୁଥିବାରୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।
କେନ୍ଦୁଝରରୁ ସନ୍ତୋଷ ମହାପ୍ତାର, ଇଟିଭି ଭାରତ