କେନ୍ଦୁଝର: ବଡ଼ବିଲ ଉପକାରାଗାରରେ ଜଣେ ହତ୍ୟା ମାମଲାରେ ବିଚାରାଧୀନ ମହିଳା କଏଦୀଙ୍କ ମୃତ୍ୟୁ ଘଟିଛି । ସେ ଆତ୍ମହତ୍ୟା କରିଥିବା ନେଇ ପ୍ରାଥମିକ ତଦନ୍ତରୁ ଜଣାପଡ଼ିଛି । ମୃତ ମହିଳାଙ୍କ ନାମ ସବିତା ମୁଣ୍ଡା ହୋଇଥିବା ବେଳେ ଏକ ହତ୍ୟା ଘଟଣାରେ ସଂପୃକ୍ତ ଅଭିଯୋଗରେ ସେ ଗତ ମେ ୧୬ ତାରିଖରୁ ଜେଲରେ ଥିଲେ।
ବଡ଼ବିଲ ଉପକାରାଗାରରେ ବିଚାରାଧୀନ କଏଦୀଙ୍କ ମୃତ୍ୟୁ, ଆତ୍ମହତ୍ୟା ସନ୍ଦେହ
ସୂଚନାଯୋଗ୍ୟ, ଆଜି ସକାଳ ଜଳଖିଆ ଖାଇବା ପରେ ସବିତାଙ୍କୁ କିଛି ସମୟ ପାଇଁ ଖୋଲାରେ ଛଡ଼ାଯାଇଥିଲା। ହେଲେ କିଛି ସମୟ ପରେ ତାଙ୍କୁ ଖୋଜା ଯିବାରୁ ଜେଲ ଭିତରେ ଥିବା ଏକ ଗଛରେ ଝୁଲୁଥିବା ଦେଖିବାକୁ ମିଳିଥିଲା। ଗତ କିଛିଦିନ ଧରି ସବିତା ମାନସିକ ଦୁଶ୍ଚିନ୍ତା ମଧ୍ୟରେ ଗତି କରୁଥିବା ଜେଲର କର୍ମଚାରୀମାନେ କହୁଥିବା ବେଳେ ପ୍ରକୃତ କାରଣ ଅସ୍ପଷ୍ଟ ରହିଛି।