କାଲିଠୁ ମାଟ୍ରିକ ପରୀକ୍ଷା, ପ୍ରସ୍ତୁତ ଦିବ୍ୟାଙ୍ଗ ଛାତ୍ରଛାତ୍ରୀ

କେନ୍ଦୁଝରର ଏହି ଦିବ୍ୟାଙ୍ଗ ଛାତ୍ରାଛାତ୍ରୀମାନେ ପରୀକ୍ଷା ପାଇଁ ଦିନ ରାତି ଏକ କରି ଅଭ୍ୟାସ କରୁଥିବା ପ୍ରକାଶ କରିଛନ୍ତି । ପରୀକ୍ଷାରେ ନିଶ୍ଚିତ ଭାବେ କୃତକାର୍ଯ୍ୟ ହେବା ପାଇଁ ଦିନର 24 ଘଣ୍ଟାରୁ 14 ଘଣ୍ଟା ପଢିବାରେ ନିମଗ୍ନ ହୋଇଛନ୍ତି ଏମାନେ ।

କେନ୍ଦୁଝର: ଦଶମ ଶ୍ରେଣୀ ପରୀକ୍ଷା ପାଇଁ ଆରମ୍ଭ ହୋଇଛି କାଉଣ୍ଟଡାଉନ । ସେପଟେ ପରୀକ୍ଷା ପାଇଁ ପ୍ରସ୍ତୁତି ଶେଷ କରିଥିବା ପ୍ରକାଶ କରିଛନ୍ତି କେନ୍ଦୁଝର ମନୋଜ ମଞ୍ଜରୀ ଦୃଷ୍ଟିହୀନ ଓ ବଧିର ବିଦ୍ୟାଳୟର ଦିବ୍ୟାଙ୍ଗ ଛାତ୍ରଛାତ୍ରୀ । ତେବେ ଏନେଇ ସରକାରୀସ୍ତରରେ ମଧ୍ୟ ବ୍ୟାପକ ପ୍ରସ୍ତୁତି କରାଯାଇଛି । ଯାହା ଶେଷ ହୋଇଥିବା ଜଣାପଡିଛି ।

ତେବେ କେନ୍ଦୁଝରର ଏହି ଦିବ୍ୟାଙ୍ଗ ଛାତ୍ରାଛାତ୍ରୀମାନେ ପରୀକ୍ଷା ପାଇଁ ଦିନ ରାତି ଏକ କରି ଅଭ୍ୟାସ କରୁଥିବା ପ୍ରକାଶ କରିଛନ୍ତି । ପରୀକ୍ଷାରେ ନିଶ୍ଚିତ ଭାବେ କୃତକାର୍ଯ୍ୟ ହେବା ପାଇଁ ଦିନର 24 ଘଣ୍ଟାରୁ 14 ଘଣ୍ଟା ପଢିବାରେ ନିମଗ୍ନ ହୋଇଛନ୍ତି ଏମାନେ । ସେପଟେ ବିଦ୍ୟାଳୟ ପକ୍ଷରୁ ମଧ୍ୟ ଶିକ୍ଷକମାନେ ନିଜ ବିଦ୍ୟାଳୟର ଛାତ୍ରଛାତ୍ରୀମାନେ କିପରି ଭଲ ନମ୍ବର ରଖି କୃତକାର୍ଯ୍ୟ ହେବେ ସେନେଇ ପୁନଃଆଲୋଚନା ଚଳାଇଛନ୍ତି ।

ଚଳିତ ବର୍ଷ ସମ୍ପୃକ୍ତ ବିଦ୍ୟାଳୟର 6 ଜଣ ଛାତ୍ରଛାତ୍ରୀ ଦଶମ ଶ୍ରେଣୀ ପରୀକ୍ଷା ଦେବା ସହ ପ୍ରତିବର୍ଷ ପରି ସଫଳ ହେବେ ବୋଲି ଆଶା ରଖିଛନ୍ତି ପ୍ରଧାନ ଶିକ୍ଷକ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ