କେନ୍ଦୁଝର: ବଣ ଜଙ୍ଗଲ ଭରା ଜିଲ୍ଲାରେ ଆରାଧ୍ୟ ଦେବୀ ଭାବେ କାହିଁ କେଉଁ କାଳରୁ ପୂଜା ପାଇ ଆସୁଛନ୍ତି ମା’ ତାରିଣୀ । ମା’ଙ୍କ ଦର୍ଶନ ପାଇଁ ରାଜ୍ୟ ନୁହେଁ ବରଂ ରାଜ୍ୟ ବାହାରୁ ମଧ୍ୟ ଅନେକ ଶ୍ରଦ୍ଧାଳୁଙ୍କ ଭିଡ ଜମେ ଘଟଗାଁରେ । ତେବେ ଏଠାରେ ଲୋକେ ବିଭିନ୍ନ ମାନସିକ ନେଇ ମା’ଙ୍କ ପାଖରେ ନଡିଆ ଭୋଗ ଚଢାନ୍ତି । ପୂର୍ବେ ଏହି ନଡିଆ ପୂଜା ପରେ ନଷ୍ଟ ହେଉଥିବା ବେଳେ ଏବେ ଏହା ଅନେକ ଲୋକଙ୍କ ପାଇଁ ସାଜିଛି ରୋଜଗାରର ପନ୍ଥା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଗାଁ ଗହଳିରେ ମହିଳାମାନେ ଘରକାମ କରିବା ସହ ଏବେ ରୋଜଗାର ସ୍ବରୂପ ପ୍ରସ୍ତୁତ କରୁଛନ୍ତି ନଡିଆ ଲଡୁ । ଘଟଗାଁ ମନ୍ଦିର ତରଫରୁ ଟେଣ୍ଡରରେ ନଡିଆ ଆଣି ଗାଁ ଗାଁକୁ ଯୋଗାଯାଉଛି । ପରେ ଘରର ମହିଳାମାନେ ଏଥିରୁ ପ୍ରସ୍ତୁତ କରୁଛନ୍ତି ନଡିଆ ଘସା, ନଡିଆ ଲଡୁ ଓ ହାତରନ୍ଧା ନଡିଆ ତେଲ । ଯାହାର ଚାହିଦା ମଧ୍ୟ ବେଶ୍ ଅଧିକ ।