କେନ୍ଦୁଝର: ମର୍ମନ୍ତୁଦ ସଡକ ଦୁର୍ଘଟଣା। କେନ୍ଦୁଝର ସଦରଥାନା ଅନ୍ତର୍ଗତ ପଳାସପଙ୍ଗା ନିକଟରେ ଟ୍ରକଟିଏ ରାସ୍ତା କଡରେ ଠିଆ ହୋଇଥିବାବେଳେ ତାକୁ ପଛପଟୁ ପିଟିଥିଲା ବୋଲେରୋ। ଫଳରେ ବୋଲେରୋରେ ବସିଥିବା ସ୍ବାମୀ-ସ୍ତ୍ରୀ ଉଭୟଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ତେବେ ଡ୍ରାଇଭର ଗୁରୁତର ଥିବାବେଳେ ତାଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ସୂଚନା।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର ମୃତକମାନେ ବଳଭଦ୍ର ମହାକୁଡ ଓ ବୀଣାଦେବୀ ମହାକୁଡ ବୋଲି ଜଣାପଡିଥିବା ବେଳେ ସେମାନେ ବଲାଣି ଅଞ୍ଚଳର ବାଲାଗୁଡାର ବୋଲି ଜଣାପଡିଛି। ସେମାନେ ଭୁବନେଶ୍ୱରର ଆପୋଲା ହସ୍ପିଟାଲକୁ ଚିକିତ୍ସା ପାଇଁ ଯାଇ ଫେରୁଥିଲେ ଏବଂ ସକାଳେ ଘନ କୁହୁଡି ହୋଇଥିବା ହେତୁ ଏପରି ଦୁର୍ଘଟଣା ହୋଇଥିବା ଆଶଙ୍କା । ଘଟଣାସ୍ଥଳରେ ସଦର ପୋଲିସ ପହଞ୍ଚି ମୃତକର ଶବ ଜବତ କରି ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
