ଆନନ୍ଦପୁର: ଆନନ୍ଦପୁର ବନଖଣ୍ତ ଅଧିନ ବରାଙ୍ଗ ସଂରକ୍ଷିତ ଜଙ୍ଗଲ ପାର୍ଶ୍ବବର୍ତ୍ତୀ ଗ୍ରାମଗୁଡିକରେ ଜଙ୍ଗଲି ହିଂସ୍ରଜନ୍ତୁଙ୍କ ଉତ୍ପାତ ଦିନକୁ ଦିନ ବଢିବାରେ ଲାଗିଛି । ଗତକାଲି(ମଙ୍ଗଳବାର) ରାତି ୧୦ ଟା ସମୟରେ ତିନୋଟି ଭାଲୁ ଗାଁ ଭିତରକୁ ପଶି ଆସି ଗ୍ରାମରେ ଥିବା ଶିବ ମନ୍ଦିର ଉପରକୁ ଚଢିଥିଲେ । ଏହା ଦେଖି ଗାଁ ଲୋକେ ହୋ ହାଲ୍ଲା କରିବାରୁ ସମସ୍ତ ଭାଲୁ ପାଚେରୀ ଡେଇଁ ଜଙ୍ଗଲ ଆଡ଼କୁ ପଳାଇ ଯାଇଥିଲେ । ତେବେ ଏଇ କିଛି ଦିନ ହେଲା ସଞ୍ଜ ନଇଁଲେ ଭାଲୁ ଜଙ୍ଗଲରୁ ବାହାରି ଖାଦ୍ୟ ସନ୍ଧାନରେ ଗାଁ ଭିତରକୁ ପଶି ଆସୁଥିବା ଦେଖିବାକୁ ମିଳୁଛି ।
ଖାଦ୍ୟ ଅନ୍ବେଷଣରେ ଆସ ଗାଁରେ ପସିଲେ ଭାଲୁ, ଭୟଭୀତ ସ୍ଥାନୀୟ ଲୋକେ