ଆନନ୍ଦପୁର: କେନ୍ଦୁଝର ଜିଲ୍ଲା ହାଟଡିହି ବ୍ଲକର ସମଣା ଗାଁ । ବୈତରଣୀ ନଦୀକୂଳ ପାଖରେ ଥିବା ଏହି ଗାଁକୁ ଡରାଉଛି ବର୍ଷା । କାରଣ ନଦୀପାର ପାଇଁ ଗାଁରେ ଚାଲିଥିବା ନଦୀବନ୍ଧ ଅସମ୍ପୂର୍ଣ୍ଣ ହୋଇ ପଡିରହିଛି । ଯଦ୍ବାରା ବର୍ଷା ଦିନ ଆସିଲେ ବୈତରଣୀ ନଦୀର ଜଳ ଅସମ୍ପୂର୍ଣ୍ଣ ନଦୀବନ୍ଧ ଦେଇ ଗାଁ ଭିତରେ ପ୍ରବେଶ କରିଥାଏ । ଆଉ ଦୀର୍ଘ ଦିନ ଧରି ଜଳବନ୍ଦୀରେ ରହି ଗ୍ରାମବାସୀ ନାନା ଅସୁବିଧା ଭୋଗ କରନ୍ତି ।
ସମାନ ସ୍ଥିତି ଆମ୍ବୋ ଗାଁର ମଧ୍ୟ ଦେଖିବାକୁ ମିଳୁଛି । ଏଠାରେ ନଦୀବନ୍ଧ ନଥିବାରୁ ବର୍ଷାଦିନେ ଲୋକେ ନାହିଁ ନଥିବା ଅସୁବିଧା ଭୋଗ କରୁଛନ୍ତି । ହାଟଡିହି ବ୍ଲକର ଆମ୍ବୋ ଠାରୁ ସମଣା ଯାଏଁ ୫ କିମି ଦୂର ନଦୀବନ୍ଧ ଦୀର୍ଘ ଦିନ ଧରି ମୁକୁଳା ହୋଇ ପଡିରହିଛି । ଫଳରେ ବର୍ଷାଦିନେ ଆଖପାଖ ୫ଟି ପଞ୍ଚାୟତର ୪୦ରୁ ଊର୍ଦ୍ଧ୍ବ ଗାଁର ଲୋକେ ଏକପ୍ରକାର ଜଳବନ୍ଦୀରେ ରହିଥାନ୍ତି । ଏନେଇ ଲୋକେ ବାରମ୍ବାର ଅଭିଯୋଗ କରିଥିଲେ ସୁଦ୍ଧା ବିଭାଗୀୟ କର୍ତ୍ତୃପକ୍ଷ ନଜର ଦେଉନଥିବା ଅଭିଯୋଗ ହୋଇଛି ।
ବୈତରଣୀ ନଦୀକୂଳବାସୀଙ୍କୁ ଡରାଉଛି ବର୍ଷା