କେନ୍ଦୁଝର: ଜନସାଧାରଣଙ୍କୁ କୋଭିଡ ଟୀକାକରଣ ପାଇଁ ଭାରତ ସରକାରଙ୍କ ଠାରୁ ଆରମ୍ଭ କରି ଓଡ଼ିଶା ସରକାରଙ୍କ ତରଫରୁ ଚାଲିଛି ଜୋରଦାର ପ୍ରସ୍ତୁତି । ଯେମିତି କେହି ବି ଜଣେ ହିତାଧିକାରୀ ଏହି ଟୀକାକରଣରୁ ବାଦ୍ ନ ପଡନ୍ତି ସେନେଇ ସ୍ବାସ୍ଥ୍ୟ ବିଭାଗର ନିର୍ଦ୍ଦେଶ ଅନୁସାରେ ଅଞ୍ଚଳର ସ୍ବାସ୍ଥ୍ୟକର୍ମୀ ମାନେ ହିତାଧିକାରୀଙ୍କୁ ସଚେତନ କରାଉଛନ୍ତି ।
ଆଦର୍ଶ ଗ୍ରାମରେ ବିକଳ ଚିତ୍ର, ନେଟୱର୍କ ନଥିବାରୁ ଜଙ୍ଗଲରେ ଚାଲିଛି ଟୀକାକରଣ
କିନ୍ତୁ ଏହାର ବିଡମ୍ବନା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ପିଢାପୋଖରୀ ଗ୍ରାମରେ । କୋଭିଡ ଟୀକାକରଣ ପାଇଁ ସରକାରଙ୍କୁ ତରଫରୁ ସ୍ବତନ୍ତ୍ର ନିର୍ଦ୍ଦେଶନାମା ରହିଥିବା ବେଳେ ଏହାର ଉଲ୍ଲଙ୍ଘନ ହୋଇଥିବା ଦେଖିବାକୁ ମିଳିଛି । ସେପଟେ ଉକ୍ତ ଗ୍ରାମକୁ ଆଦର୍ଶ ଗ୍ରାମ ଭାବେ ଘୋଷଣା କରାଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ନେଟୱର୍କ ବ୍ୟବସ୍ଥା ଅପହଞ୍ଚ ହୋଇଛି । ସେଥିପାଇଁ ନାଁ ପିଲାମାନେ ଅନଲାଇନ ପାଠପଢି ପାରୁଛନ୍ତି ନାଁ କୈାଣସି ଜରୁରୀ ପରିସ୍ଥିତିରେ ଯୋଗାଯୋଗ ହୋଇ ପାରୁଛି ।