ପରିବହନ କାର୍ଯ୍ୟାଳୟରେ ଦଲାଲି କରି ଏଆରଟିଓଙ୍କ ଡ୍ରାଇଭର ଗିରଫ

କେନ୍ଦୁଝର ଜିଲ୍ଲା ବଡ଼ବିଲ ଆଞ୍ଚଳିକ ପରିବହନ ବିଭାଗର ଏଆରଟିଓଙ୍କ ଡ୍ରାଇଭର ଦଲାଲି ଅଭିଯୋଗରେ ଗିରଫ ।

କେନ୍ଦୁଝର: ପୁଣି ଦଲାଲି ଅଭିଯୋଗରେ ଜଣକୁ ଗିରଫ କରିଛି ବଡ଼ବିଲ ପୋଲିସ । ଅଭିଯୁକ୍ତ ହେଉଛନ୍ତି ଖୋଦ ବଡ଼ବିଲ ଆଞ୍ଚଳିକ ପରିବହନ ବିଭାଗର ଏଆରଟିଓଙ୍କ ଡ୍ରାଇଭର ଜଗବନ୍ଧୁ ପାତ୍ର ।

ଗତ ସେପ୍ଟେମ୍ବର ମାସରେ ଅଭିଯୋଗକ୍ରମେ ବଡ଼ବିଲ ପୋଲିସ ଦୁଇ ଜଣ ଦଲାଲଙ୍କୁ ବଡ଼ବିଲ ଏଆରଟିଓ କାର୍ଯ୍ୟାଳୟରୁ ଗିରଫ କରି ପଚୁରାଉଚୁରା କରିବା ପରେ ଖୋଦ ବଡ଼ବିଲ ଏଆରଟିଓଙ୍କ ଡ୍ରାଇଭର ଜଗବନ୍ଧୁ ଏହି ଦଲାଲି କାର୍ଯ୍ୟରେ ସାମିଲ ଥିବା ନେଇ ଖୁଲାସା ହୋଇଥିଲା । ତାଙ୍କ ଠାରୁ ବଡ଼ବିଲ ପୁଲିସ ୨ଟି ଲାଇସେନ୍ସର କାଗଜ ପତ୍ର ଓ ଗୋଟିଏ ମୋବାଇଲ ଫୋନ ଜବତ କରିଛି । ଏହି ତଥ୍ୟକୁ ଆଧାର କରି ବଡ଼ବିଲ ପୁଲିସ ଜଗବନ୍ଧୁ ପାତ୍ରକୁ ଗିରଫ କରି କୋର୍ଟଚାଲାଣ କରିଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ