କେନ୍ଦୁଝର: ବଡ଼ବିଲ ଥାନା ଅନ୍ତର୍ଗତ ବଡ଼ବିଲ ରେଲୱେ ଷ୍ଟେସନରୁ ମହିଳାଙ୍କୁ ଟାଣି ନେଇ ଅସଦାଚରଣ କରିଥିବା ଏକ ସିସିଟିଭି ଭିଡିଓ ଭାଇରାଲ ହୋଇଛି । ଭିଡିଓ ଭାଇରାଲ ପରେ ଘଟଣାଟି ପଦାକୁ ଆସିଛି ।
ସୂଚନାନୁସାରେ ଗତ ଶୁକ୍ରବାର ଜଣେ ମହିଳା ନିଜ 6 ବର୍ଷର ପୁଅ ସହ ଭୂଲବଶତଃ ଟାଟାରୁ ବଡବିଲ ଟ୍ରେନ ଯୋଗେ ବଡବିଲ ପଳେଇ ଆସିଥିଲେ । ସକାଳୁ ଏହି ଟ୍ରେନ ଯୋଗେ ଟାଟା ସ୍ଥିତ ନିଜ ଗ୍ରାମକୁ ଯିବା ପାଇଁ ଷ୍ଟେସନରେ ଅପେକ୍ଷା କରିଥିଲେ । ମାତ୍ର ବିଳମ୍ବିତ ରାତିରେ କିଛି ଦୁବୃର୍ତ୍ତ ଉକ୍ତ ମହିଳା ଜଣଙ୍କୁ ଟାଣି ନେଇଥିଲେ । ଯାହାର ଭିଡିଓ ସିସିଟିଭି ଫୁଟେଜରେ କଏଦ ହୋଇଛି । ସେପଟେ ଘଟଣାସ୍ଥଳରେ ସ୍ଥାନୀୟ ସ୍ବେଚ୍ଛାସେବୀ ଉକ୍ତ ମହିଳାଙ୍କ 6 ବର୍ଷର ପୁଅକୁ ଉଦ୍ଧାର କରି ନିକଟସ୍ଥ ବାଳାଶ୍ରମ ରଖିଥିବା ବେଳେ ଏଯାବତ୍ ମହିଳାଙ୍କ କୌଣସି ଖବର ମିଳିପାରିନାହିଁ । ତେବେ ଦୁର୍ବୁତ୍ତ ମାନେ ମହିଳାଙ୍କ ସହ ଅସଦାଚରଣ କରିଥିବା ସନ୍ଦେହ କରାଯାଉଥିବା ବେଳେ ରେଲୱେ ପୋଲିସ ଓ ବଡ଼ବିଲ ପୋଲିସ ଏନେଇ ଚୁପ୍ ରହିଥିବା ଅଭିଯୋଗ ହୋଇଛି ।