କେନ୍ଦୁଝର: କେନ୍ଦୁଝର ହରିଚନ୍ଦନପୁର ଥାନା ଅନ୍ତର୍ଗତ ଶଗଡପଟା ଛକ ନିକଟରେ ବାଇକକୁ ପଛପଟୁ ଧକ୍କା ଦେଲା ପିକଅପ ଭ୍ୟାନ । ଦୁର୍ଘଟଣାରେ ବାଇକ ଆରୋହୀଙ୍କ ମୃତ୍ୟୁ ଘଟିଥିବା ବେଳେ ପିକଅପ ଭ୍ୟାନଟି ରାସ୍ତା କଡକୁ ଓଲଟି ପଡିଥିଲା ଓ ଉତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ । ଖବର ଅନୁଯାୟୀ ଶନିବାର ସନ୍ଧ୍ୟା ସମୟରେ (ଓଡି ୦୨ ୨ଟି ୦୯୩୭) ନମ୍ବର ପିକଅପ ଭ୍ୟାନଟି ବାଇକ୍ ପଛରେ ଧକ୍କା ଦେଇଥିଲା ।
ବାଇକକୁ ଧକ୍କା ଦେଲା ପିକଅପ ଭ୍ୟାନ୍
ପିକଅପ ଭ୍ୟାନଟି ଗାଡ଼ିଟି ଦୈତାରୀ ଅଭିମୁଖେ ଯାଉଥିଲା । ବାଇକ ଯୋଗେ ଶଗଡପଟା ଗ୍ରାମର ରାଜକିଶୋର ନାଏକ ଭଗାମୁଣ୍ଡା ଠାରୁ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିବାର ଜଣାପଡ଼ିଛି । ଦୁର୍ଘଟଣା ପରେ ଉତ୍ୟକ୍ତ ଲୋକମାନେ ପିକପ୍ ଭ୍ୟାନ ଡ୍ରାଇଭର ତନ୍ମୟ ମହାନ୍ତକୁ ମାଡ଼ ମାରିବା ସହ ବାନ୍ଧିଥିଲେ ।