କେନ୍ଦୁଝର: ଜିଲ୍ଲାରେ ପୁଣି ହାତୀ ଖେଳାଇଛନ୍ତି ଆତଙ୍କ । ସଦର ରେଞ୍ଜର ଭାଲୁ ଘର ଚକ ନୂଆସହିରେ ଶୁକ୍ରବାର ବିଳମ୍ବିତ ରାତିରେ ଏକ ୧୨ ଟିକିଆ ହାତୀ ପଲ ଏକାଧିକ ଧାନ ବିଲରେ ପଶି ବ୍ୟାପକ କ୍ଷୟକ୍ଷତି କରିଛନ୍ତି।
କେନ୍ଦୁଝରରେ ମାତିଛନ୍ତି ବଣୁଆ ହାତୀ
ରାଜ୍ୟରେ ହାତୀ ଖେଳାଉଛନ୍ତି ଆତଙ୍କ। କେତେବେଳେ କେଉଁ ସ୍କୁଲ ଘର କବାଟ ଭାଙ୍ଗି ଚାଉଳ ଖାଉଛନ୍ତି, ତ କେତେବେଳେ ପାଦତଳେ ଚାପି ମଣିଷ ମାରୁଛନ୍ତି । ଏବେ କେନ୍ଦୁଝର ଜିଲ୍ଲାରେ ପଶି ଏବେ ଉପଦ୍ରବ କରୁଛନ୍ତି ହାତୀ । ବିଲରେ ପସି କଅଁଳ ଧାନ ଖାଇବା ସହ ଫସଲକୁ ଦଳିଚକଟି ନଷ୍ଟ କରି ଦେଇଛନ୍ତି ।
ସୌଜନ୍ୟ: ସମ୍ବାଦଦାତା, କେନ୍ଦୁଝର
କଅଁଳ ଧାନ ଖାଇଯିବା ସହ ପାଦରେ ଦଳିଚକଟି ଅନେକ ଫସଲ ମଧ୍ୟ ନଷ୍ଟ କରିଛନ୍ତି । ହାତୀ ପଲ ଏବେ ଗାଁ ପାଖ ଜଙ୍ଗଲରେ ଥିବାରୁ ଗାଁ ଲୋକେ ଭୟଭୀତ ଅବସ୍ଥାରେ ଅଛନ୍ତି । ପ୍ରକାଶ ଯେ ହାତୀ ପଲରେ ୩ଟି ଛୁଆ, ୨ଟି ବଡ ଛୁଆ, ୫ଟି ବଡ ମାଈ ହାତୀ ସହ ୨ଟି ଦନ୍ତା ଅଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ