ନଦୀରୁ ମହିଳାଙ୍କ ମୃତଦେହ ଉଦ୍ଧାର

ବୈତରଣୀ ନଦୀରେ ବୁଡି ମହିଳା ମୃତ । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ବୈତରଣୀ ନଦୀର ମୟୂରପଙ୍ଖା ଘାଟରେ ବୁଡି ତାଙ୍କର ମୃତ୍ୟ ଘଟିଥିବା ସୂଚନା ମିଳିଛି ।

କେନ୍ଦୁଝର: ବୈତରଣୀ ନଦୀରେ ବୁଡି ମହିଳା ମୃତ । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ବୈତରଣୀ ନଦୀର ମୟୂରପଙ୍ଖା ଘାଟରେ ବୁଡି ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ମୃତ ମହିଳା ଜଣକ ମୟୂରପଙ୍ଖା ଗ୍ରାମର ଜଙ୍ଗା ମୁଣ୍ଡା ।

ସୂଚନା ମୁତାବକ, ଗତକାଲି ରାତିରେ ଜଙ୍ଗାଙ୍କର ଘରଲୋକଙ୍କ ସହ ସାମାନ୍ୟ ବଚସା ହୋଇଥିଲା । ଏଥିରେ ରାଗିଯାଇ ସେ ଘରୁ ପଳାଇ ଆସିଥିଲେ । ତେବେ ଆଜି ସକାଳୁ ତାଙ୍କ ମୃତଦେହ ନଦୀରେ ଭାସୁଥିବା ଦେଖି ଗାଁ ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଁଞ୍ଚି ମୃତଦେହକୁ ଉଦ୍ଧାର କରିବା ସହ ତଦନ୍ତ ଜାରି ରଖିଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ