କେନ୍ଦୁଝର:ଆଜିଠାରୁ ସାତ ଦିନ ଧରି ସାରା ଦେଶରେ ୫୧ ତମ ଜାତୀୟ ସୁରକ୍ଷା ସପ୍ତାହ ଭାବେ ପାଳନ କରାଯାଉଛି । ଏହି ଅବସରରେ ବିଭିନ୍ନ ଅନୁଷ୍ଠାନ ପକ୍ଷରୁ କାର୍ଯ୍ୟକ୍ରମ ଅନୁଷ୍ଠିତ ହେଉଛି । କେନ୍ଦୁଝର ଜିଲ୍ଲାରେ କାର୍ଯ୍ୟରତ ଟିପିଏନଓଡିଏଲ ବିଦ୍ୟୁତ ବିତରକ ସଂସ୍ଥା ପକ୍ଷରୁ ମଧ୍ୟ ଏହି ସପ୍ତାହ ଉପଲକ୍ଷେ କାର୍ଯ୍ୟକ୍ରମ ଅନୁଷ୍ଠିତ କରାଯାଇଛି ।
୫୧ ତମ ଜାତୀୟ ସୁରକ୍ଷା ସପ୍ତାହ ପାଳିତ, ଜାଗ୍ରତ ପ୍ରହରୀ ହୋଇ କାର୍ଯ୍ୟ କରିବ ଟିପିଏନଓଡିଏଲ
ଏହି ସାତ ଦିନ ବ୍ୟାପି ହେବାକୁ ଥିବା କାର୍ଯ୍ୟକ୍ରମର ପ୍ରଥମ ଦିନରେ ଟିପିଏନଓଡିଏଲ କର୍ମଚାରୀଙ୍କ ପକ୍ଷରୁ ସକାଳୁ ଏକ ସଚେତନତା ସୃଷ୍ଟି ଅଭିଯାନ ପଦଯାତ୍ରା ସହର ପରିକ୍ରମା କରାଯାଇଥିଲା । ପରେ ଜିଲ୍ଲା ସଂସ୍କୃତି ଭବନ ଠାରେ ଏକ ସଭା ଅନୁଷ୍ଠିତ ହୋଇଥିଲା ।