‘ବିଜେପି- ବିଜେଡି ଭାଷଣ ଦେଉଛନ୍ତି, ଆମେ ଗ୍ୟାରେଣ୍ଟି କାର୍ଡ ଦେଉଛୁ’

ଉଭୟ ବିଜେପି ଓ ବିଜେଡି ଭାଷଣ ଦେଉଛନ୍ତି, କିନ୍ତୁ ଆମେ ଲୋକଙ୍କୁ ଗ୍ୟାରେଣ୍ଟି କାର୍ଡ ଦେଉଛୁ । ଯାହା କଂଗ୍ରେସ କ୍ଷମତାକୁ ଆସିଲେ ପୂରଣ କରିବ ବୋଲି କେନ୍ଦୁଝର କଂଗ୍ରେସ ସାଂସଦ ପ୍ରାର୍ଥୀ ମୋହନ ହେମ୍ବ୍ରମ କହିଛନ୍ତି ।

କେନ୍ଦୁଝର: ଉଭୟ ବିଜେପି ଓ ବିଜେଡି ଭାଷଣ ଦେଉଛନ୍ତି, କିନ୍ତୁ ଆମେ ଲୋକଙ୍କୁ ଗ୍ୟାରେଣ୍ଟି କାର୍ଡ ଦେଉଛୁ । ଯାହା କଂଗ୍ରେସ କ୍ଷମତାକୁ ଆସିଲେ ପୂରଣ କରିବ । ଜିଲ୍ଲା ଭିତରେ ଅନେକ ଖଣି ଖାଦାନ ଥିବାବେଳେ ଜିଲ୍ଲାର ଅନେକ ଯୁବକ ଯୁବତୀ ବାହାରକୁ ଦାଦନ ଖଟିବାକୁ ଯାଉଛନ୍ତି, ସେମାନଙ୍କ ପାଇଁ ଜିଲ୍ଲାରେ ହିଁ ନିଯୁକ୍ତି ସୁଯୋଗ ସୃଷ୍ଟି କରାଯିବ ବୋଲି କେନ୍ଦୁଝର କଂଗ୍ରେସ ସାଂସଦ ପ୍ରାର୍ଥୀ ମୋହନ ହେମ୍ବ୍ରମ କହିଛନ୍ତି ।

ଏହା ସହ ତାଙ୍କର ନିର୍ବାଚନୀ ସ୍ଲୋଗାନ ‘କଂଗ୍ରେସ ଆସିବ ଓଡିଶା ହସିବ’ ରହିବ ବୋଲି ଇଟିଭି ଭାରତର ନେତାଙ୍କୁ ପାଞ୍ଚଟି ପ୍ରଶ୍ନ କାର୍ଯ୍ୟକ୍ରମରେ ସାମିଲ ହୋଇ ସେ ଦର୍ଶାଇଛନ୍ତି । ତେବେ ନିରଞ୍ଜନ ପଟ୍ଟନାୟକଙ୍କ ନେତୃତ୍ବରେ କେନ୍ଦୁଝର ସହିତ ସାରା ଓଡିଶାରେ କଂଗ୍ରେସ ବାଜିମାତ୍ କରିବ ବୋଲି ମଧ୍ୟ ସେ କହିଛନ୍ତି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ