କେନ୍ଦୁଝର: କାଞ୍ଜିପାଣି ଘାଟିରେ ସଡକ ଦୁର୍ଘଟଣା । ଟ୍ରକ-ବସ୍ ମୁହାଁମୁହିଁ ଧକ୍କା ହେବା ଫଳରେ 20 ଜଣ ଯାତ୍ରୀ ଆହତ ହୋଇଛନ୍ତି । lତେବେ 5 ଜଣଙ୍କ ଅବସ୍ଥା ଗୁରୁତର ରହିଛି ।
ଟ୍ରକ-ବସ୍ ମୁହାଁମୁହିଁ ଧକ୍କା; 20 ଆହତ, 5 ଗୁରୁତର - ଟ୍ରକ-ବସ୍ ମୁହାଁମୁହିଁ ଧକ୍କା
କାଞ୍ଜିପାଣି ଘାଟିରେ ଟ୍ରକ-ବସ୍ ମୁହାଁମୁହିଁ ଧକ୍କା ହେବା ଫଳରେ 20 ଜଣ ଯାତ୍ରୀ ଆହତ ହୋଇଛନ୍ତି । ଏଥିସହିତ 5 ଜଣଙ୍କ ଅବସ୍ଥା ଗୁରୁତର ରହିଥିବାବେଳେ ସମସ୍ତଙ୍କୁ ଚିକିତ୍ସା ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଯାଇଛି ।
ଫଟୋ ସୌଜନ୍ୟ :ସମ୍ବାଦଦାତା କେନ୍ଦୁଝର
ସୂଚନାନୁସାରେ, ଅମ୍ବିକା ନାମକ ଏକ ଘରୋଇ ବସ୍ ଅନୁଗୋଳରୁ ରାଇରଙ୍ଗପୁର ଯାଉଥିଲା । ଏହି ସମୟରେ ବସ୍ଟି ଏକ ମାଲବାହୀ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ବସ୍ରେ ଥିବା 20 ଜଣ ଯାତ୍ରୀ ଏଥିରେ ଆହତ ହୋଇଥିଲେ । ଖବର ପାଇ କାଞ୍ଜିପାଣି ପୋଲିସ ଘଟଣାସ୍ଥଳରେ ପହଞ୍ଚି ଆହତ ଓ ଗୁରୁତରଙ୍କୁ ଉଦ୍ଧାର କରି ଚିକିତ୍ସା ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଥିଲା । ବର୍ତ୍ତମାନ 5 ଜଣ ଗୁରୁତରଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା ଜଣାପଡିଛି ।
ଭିଡିଓ ସୌଜନ୍ୟ :ସମ୍ବାଦଦାତା କେନ୍ଦୁଝର
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ