ଆନନ୍ଦପୁର: ଆନନ୍ଦପୁର ବନ ବିଭାଗକୁ ମିଳିଛି ବଡ ସଫଳତା । ସ୍ଥାନୀୟ ହରିଚନ୍ଦନପୁର ବ୍ଲକର ପିଟାପିଟି ଗ୍ରମା ନିକଟରୁ ପ୍ରାୟ 19.6 କିଲୋଗ୍ରାମ ଓଜନର 14ଟି ହାତୀ ଦାନ୍ତ ଜବତ କରିଛି ବନ ବିଭାଗ । ଘଟଣାରେ ସମ୍ପୃକ୍ତ 3 ଜଣ ଗିରଫ ମଧ୍ୟ ହୋଇଛନ୍ତି । ଏଥିସହ ଅଭିଯୁକ୍ତଙ୍କଠାରୁ ଗୋଟିଏ ହୁଣ୍ଡାଇ କାର ମଧ୍ୟ ଜବତ ହୋଇଥିବା ବନ ବିଭାଗ ସୂଚନା ଦେଇଛି ।
ସୂଚନା ଅନୁଯାୟୀ ବିଶ୍ବସ୍ତ ସୂତ୍ରରୁ ଖବର ପାଇ ଆନନ୍ଦପୁର ଡିଏଫଓଙ୍କ ନିର୍ଦ୍ଦେଶ କ୍ରମେ ଏକ ଟିମ୍ ହାତୀଦାନ୍ତ କାରବାର କରୁଥିବା ବ୍ୟବସାୟୀମାନଙ୍କୁ ପିଛା କରିଥିଲା । କାରର ପିଛା କରି ହରିଚନ୍ଦନପୁର ଥାନା ପିଟାପିଟି ଗ୍ରାମ ନିକଟରେ ଗାଡି ଓ ଦାନ୍ତକୁ ଜବତ କରିଛି ବନ ବିଭାଗ । ଅଭିଯୁକ୍ତମାନେ ଘଟଣାସ୍ଥଳରୁ ଖସି ପଳାଇବାକୁ ଉଦ୍ୟମ କରୁଥିବା ବେଳେ ସେମାନଙ୍କୁ ବନ ବିଭାଗର ଟିମ ଗୋଡାଇ ଗୋଡାଇ ବାୟାପିଟା ଗାଁରୁ ଗିରଫ କରିବାରେ ସଫଳ ହୋଇଥିଲା ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ