କେନ୍ଦ୍ରାପଡା: ଜିଲ୍ଲାର ରାଜନଗର ବ୍ଲକରେ ତେଜିଲା ମଦ ବିରୋଧୀ ଆନ୍ଦୋଳନ । ଗୋପାଳପୁର ବଜାରରେ ଥିବା ମଦ ଦୋକାନ ଉଚ୍ଛେଦ ଦାବିରେ ଶତାଧିକ ମହିଳା ପଟ୍ଟାମୁଣ୍ଡାଇ-ରାଜନଗର ମଧ୍ୟରେ ଦୀର୍ଘସମୟ ଧରି ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ବୁଧବାର ମଧ୍ୟାହ୍ନରୁ ଶହଶହ ମହିଳା ଗୋପାଳପୁର ଠାରେ ଥିବା ମଦ ଦୋକାନ ଉଚ୍ଛେଦ ପାଇଁ ଜିଦ ଧରି ବସିଥିଲେ । କାରଣ ମଦ ପିଇ ଗାଁର ପୁରୁଷମାନେ ଘରେ ମାରପିଟ କରୁଥିବାବେଳେ ସବୁବେଳେ ଘରେ ଅଶାନ୍ତି ଲାଗିରହୁଛି । ଯାହାକୁ ଦୀର୍ଘ ଦିନ ଧରି ବିରୋଧ କରିଆସୁଥିବାବେଳେ ଏହାକୁ ଉଚ୍ଛେଦ କରିବା ନେଇ ମହିଳା ମାନେ ଦାବି କରିବା ସହ ଆନ୍ଦୋଳନ କରି ରାସ୍ତାରୋକ କରିଥିଲେ ।