କେନ୍ଦ୍ରାପଡ଼ା: ରାଜ୍ୟର ଏକ ପ୍ରମୁଖ ଚର୍ଚ୍ଚିତ ବିଧାନସଭା ଆସନ ହେଉଛି ରାଜନଗର । ଯାହା ଉପରେ ରହିଥାଏ ସବୁଦଳର ନଜର । ଏଥର ମଧ୍ୟ ଚର୍ଚ୍ଚାରେ ରହିଛି ଏହି ବିଧାନସଭା । କେନ୍ଦ୍ରାପଡା ସଂସଦୀୟ କ୍ଷେତ୍ର ଅଧିନରେ ଅବସ୍ଥିତ ଥିବା ଏହି ଆସନରେ ଚଳିତ ଥର ଏଠାରେ କଂଗ୍ରେସ, ବିଜେପି ଏବଂ ବିଜେଡି ମଧ୍ୟରେ ତ୍ରିକୋଣୀୟ ମୁକାବିଲା ହେଉଛି ।
ଏଥର କଂଗ୍ରେସରୁ ପୂର୍ବତନ ମନ୍ତ୍ରୀ ନଳିନୀକାନ୍ତ ମହାନ୍ତିଙ୍କ ପୁଅ ତଥା ତଥା ବର୍ତ୍ତମାନର ବିଧାୟକ ଅଂଶୁମାନ ମହାନ୍ତି, ବିଜେପିରୁ ପୂର୍ବତନ ବିଧାୟକ ଅଲେଖ ଜେନା ଏବଂ ବିଜେଡିରୁ ଧ୍ରୁବ ସାହୁ ପ୍ରମୁଖ ନିର୍ବାଚନ ଲଢୁଛନ୍ତି । ଏହି ରାଜନଗର ଆସନରୁ ରାଜ୍ୟ ରାଜନୀତିରେ ଚର୍ଚ୍ଚିତ ଭାବେ ଜଣାଶୁଣା ନଳିନୀକାନ୍ତ ମହାନ୍ତି ଲଗାତାର 7 ଥର ବିଧାୟକ ଭାବେ ନିର୍ବାଚିତ ହେବା ସହ ମନ୍ତ୍ରୀପଦ ମଧ୍ୟ ହାତେଇଥିଲେ ।
ସକାଳୁ ସକାଳୁ ତିନିଦଳର ପ୍ରାର୍ଥୀ ସେମାନଙ୍କର ମତାଧିକାର ସାବ୍ୟସ୍ତ କରିବା ପରେ ବିଭିନ୍ନ ବୁଥ ବୁଲି ସମର୍ଥକଙ୍କୁ ଗୁରୁମନ୍ତ୍ରଣା ଦେଉଛନ୍ତି । ଏଥର ରାଜନଗରବାସୀ ବଂଶବାଦ ବିରୋଧରେ ଭୋଟ ଦେବେ ବୋଲି ବିରୋଧି ପ୍ରାର୍ଥୀ କହିଛନ୍ତି । ଏହାର ପ୍ରତିକ୍ରିୟା ରଖି ଅଂଶୁମାନ ଡାକ୍ତର ପୁଅ ଡାକ୍ତର, ଇଂଜିନିୟର ପୁଅ ଇଂଜିନିୟର ହେଲାବେଳେ ଜଣେ ରାଜନେତା ପୁଅ ରାଜନେତା ହେବାରେ ଅସୁବିଧା କେଉଁଠି ରହିଲା ବୋଲି ସେ ବିରୋଧିଙ୍କୁ ପ୍ରଶ୍ନ କରିଛନ୍ତି ।
କେନ୍ଦ୍ରପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ