କେନ୍ଦ୍ରାପଡ଼ା: ପାଟକୁରାରେ ପିଙ୍କ ବୁଥ ଅବହେଳା । ଜିଲ୍ଲାରେ ଆଜି ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟ ମତଦାନ ଚାଲିଥିବା ବେଳେ ଗରଦପୁର ବ୍ଲକରେ ହୋଇଥିବା ପିଙ୍କ ବୁଥରେ ଦେଖାଯାଇଥିଲା ବ୍ୟାପକ ଅବ୍ୟବସ୍ଥା । ପିଙ୍କ ବୁଥରେ ନିମ୍ନତମ ବ୍ୟବସ୍ଥା ଦିଗରେ କିଞ୍ଚିତ ମାତ୍ରାରେ ପ୍ରଶାସନ ପଦକ୍ଷେପ ନେଇନଥିବା ଅଭିଯୋଗ ହୋଇଛି ।
ପିଙ୍କବୁଥ୍ରେ ନିମ୍ନତମ ବ୍ୟବସ୍ଥା ଅଭିଯୋଗ, ଅସନ୍ତୋଷ ମତଦାତା
ଗରଦପୁର ପଞ୍ଚାୟତ ନଇନ୍ଦିପୁର ବିଦ୍ୟାଳୟରେ ହୋଇଥିବା ୧୭ନମ୍ବର ବୁଥକୁ ବ୍ଲକ ପ୍ରଶାସନ ପିଙ୍କ ବୁଥ ଘୋଷଣା କରିଥିଲେ । ତେବେ ପିଙ୍କ ବୁଥରେ ନିମ୍ନତମ ବ୍ୟବସ୍ଥା ଦିଗରେ କିଞ୍ଚିତ ମାତ୍ରାରେ ପ୍ରଶାସନ ପଦକ୍ଷେପ ନେଇନଥିବା ଅଭିଯୋଗ ହୋଇଛି । ଆଜି ସକାଳେ ଏଜେଣ୍ଟମାନେ ଭୋଟ ଗ୍ରହଣ କେନ୍ଦ୍ରକୁ ଆସିବା ପରେ ଏହି ବୁଥକୁ ପିଙ୍କ ବୁଥ ଘୋଷଣା କରାଯାଇଥିବା ଜାଣିବାକୁ ପାଇଥିଲେ । ଅନ୍ୟପଟେ କେବଳ ୩ଜଣ ମହିଳାଙ୍କୁ ନିର୍ବାଚନ ପରିଚାଳନା ଦାୟିତ୍ବ ଦେଇ ବ୍ଲକ ପ୍ରଶାସନ ନିଜ ଦାୟିତ୍ବ ସମାପନ କରିଥିବା ଦେଖାଯାଇଥିଲା ।