କେନ୍ଦ୍ରାପଡା: ପ୍ରବାସୀ ଫେରନ୍ତାଙ୍କୁ ନେଇ ଚିନ୍ତାରେ ଗ୍ରାମବାସୀ। ଗତ 7ତାରିଖ ଦିନ ସୁରଟରୁ ଫେରିଥିବା ଦମ୍ପତିଙ୍କୁ ପ୍ରଥମେ କ୍ବାରେଣ୍ଟାଇନରେ ରଖିବା ଓ ଏହାର ଦୁଇଦିନ ପରେ ଘରେ ଛାଡିବାକୁ ନେଇ ଅସନ୍ତୋଷ ବ୍ୟକ୍ତ କରିବା ସହ ଆତଙ୍କିତ ହୋଇପଡିଛନ୍ତି ଗାଁ ଲୋକେ ।
ସୁରଟ ଫେରନ୍ତା ଗର୍ଭବତୀଙ୍କ ଗୃହ ସଙ୍ଗରୋଧ, ଆତଙ୍କିତ ଗ୍ରାମବାସୀ
ଅଭିଯୋଗ ମୁତାବକ, କେନ୍ଦ୍ରାପଡା ଡେରାବିଶ୍ ବ୍ଲକ ନରସିଂହପୁର ପଞ୍ଚାୟତ ଖମାର ବେଲରପା ଗାଁର ଦମ୍ପତି ଦୀର୍ଘଦିନ ଧରି ସୁରଟରେ ରହି ଆସୁଥିଲେ। ତେବେ କୋରୋନା ମହାମାରୀ ପାଇଁ ଗତ 7 ତାରିଖ ଦିନ ଦୁହେଁ ଓଡିଶାକୁ ଫେରିବା ପରେ ସରକାରୀ ଗାଇଡ୍ଲାଇନ ଅନୁଯାୟୀ 28ଦିନିଆ କ୍ବାରେଣ୍ଟାଇନରେ ରହିବା କଥା। କିନ୍ତୁ ମହିଳା ଜଣଙ୍କ ଗର୍ଭବତୀ ଥିବା କାରଣରୁ କ୍ବାରେଣ୍ଟାଇନ ସେଣ୍ଟର ହୋଇଥିବା ତିଲଙ୍ଗସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିରରୁ ଜିଲ୍ଲାପାଳଙ୍କ ନିର୍ଦ୍ଦେଶରେ ତାଙ୍କୁ ଘରକୁ ପଠାଯାଇଛି।