ନଦୀପଠାରୁ ଅଜଣା ମୃତଦେହ ଉଦ୍ଧାର, ତଦନ୍ତ ଜାରି

କେନ୍ଦ୍ରାପଡା ଜିଲ୍ଲାର କୁସୁନୁପୁରା ଗାଁ ନିକଟ ପାଇକା ନଦୀ କୂଳରୁ ଏକ ଅଜଣା ମୃତଦେହ ଉଦ୍ଧାର ହୋଇଛି ।

କେନ୍ଦ୍ରାପଡା: ଜିଲ୍ଲାର ପାଟକୁରା ଥାନା ଅନ୍ତର୍ଗତ କୁସୁନୁପୁରା ଗାଁ ନିକଟ ପାଇକା ନଦୀ କୂଳରୁ ଏକ ଅଜଣା ମୃତଦେହ ଉଦ୍ଧାର ହୋଇଛି । ଶନିବାର ସକାଳୁ ଲୋକମାନେ ନଦୀକୁ ଶୌଚ ହେବାକୁ ଯିବା ସମୟରେ ଏହି ମୃତ ଦେହ ଦେଖିବାକୁ ପାଇଥିଲେ ।

ଏନେଇ ଗାଁ ଲୋକେ ସଙ୍ଗେସଙ୍ଗେ ପାଟକୁରା ଥାନାକୁ ଖବର ଦେଇଥିଲେ । ତେବେ କେହି ହତ୍ୟାକରି ମୃତଦେହଟିକୁ ଫୋପାଡି ଦେଇଥିବା ସନ୍ଦେହ କରାଯାଉଛି । ମୃତ ବ୍ୟକ୍ତିଙ୍କ ପରିଚୟ ମିଳିପାରିନାହିଁ । ତେବେ କିପରି ମୃତଦେହଟି ଏଠାକୁ ଆସିଲା ଓ ଏହାପଛରେ କଣ ରହିଛି ସତ୍ୟାସତ୍ୟ ସେନେଇ ତଦନ୍ତ ଜାରି ରଖିଛି ପାଟକୁରା ପୋଲିସ ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ