କେନ୍ଦ୍ରାପଡା: ମହାକାଳପଡା ସାମୁଦ୍ରିକ ଥାନା ଜମ୍ବୁ ଅନ୍ତର୍ଗତ ମା' ଦରିଆ ରାମଚଣ୍ଡୀ ପୀଠରୁ ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି। ଦରିଆ ରାମଚଣ୍ଡୀଙ୍କର ସୁନାର ମଙ୍ଗଳସୂତ୍ର ଦୁଇଟି, ସୁନାପଦକ ତିନୋଟି, ରୂପାହାର ୩ ଟି, ରୂପାମୁକୁଟ ଓ ରୂପା ଖଣ୍ଡା ଚୋରି ହୋଇଥିବା ଜଣାପଡିଛି। ତେବେ ବିଳମ୍ବିତ ରାତିରେ ମନ୍ଦିର ପୂଜକ ପର୍ଶୁରାମ ସାମନ୍ତରାୟ ଶୋଇଥିବା ବେଳେ ମନ୍ଦିର ମଧ୍ୟରେ ଶବ୍ଦ ଶୁଣି ପର୍ଶୁରାମ ଉଠି ମନ୍ଦିରକୁ ଯିବାପାଇଁ ଚେଷ୍ଟା କରିଥିଲେ। କିନ୍ତୁ ବାହାର ପଟରୁ ଝଞ୍ଜିର ଦିଆଯାଇଥିଲା । ଫଳରେ ପୂଜକ ପର୍ଶୁରାମ ଫୋନ ଯୋଗେ ମୁଖ୍ୟ ପୂଜକ, ସ୍ଥାନୀୟ ସରପଞ୍ଚ ଏବଂ ମନ୍ଦିର ଟ୍ରଷ୍ଟ ବୋର୍ଡର ସଦସ୍ୟଙ୍କୁ ଜଣାଇବା ପରେ ସେମାନେ ପର୍ଶୁରାମଙ୍କୁ ଉଦ୍ଧାର କରିଥିଲେ ଏବଂ ଜମ୍ବୁ ସାମୁଦ୍ରିକ ଥାନାରେ ଲିଖିତ ଅଭିଯୋଗ ଦେବାପରେ ପୋଲିସ ତଦନ୍ତ ଚଳାଇଛି ।
ଦରିଆ ରାମଚଣ୍ଡୀ ମନ୍ଦିରରୁ ଚୋରି, ଅଭିଯୁକ୍ତକୁ ଗିରଫ ଦାବିରେ ରାସ୍ତାରୋକ