କେନ୍ଦ୍ରାପଡା: ଜିଲ୍ଲାରେ ବିଭିନ୍ନ ଅଙ୍ଗନବାଡି କେନ୍ଦ୍ରରୁ ଟିଭି,ଇନଭର୍ଟର ଓ ଷ୍ଟେସନାରୀ ଦୋକାନରୁ ପର୍ଫ୍ୟୁମ ଚୋରି ଅଭିଯୋଗରେ ପାଟକୁରା ପୋଲିସ ଜଣଙ୍କୁ ଗିରଫ କରିଛି ।ଏହା ସହିତ ବିଭିନ୍ନ ଖେଳନା, ଟିଭି ଓ ପର୍ଫ୍ୟୁମ ବୋତଲ ଜବତ କରିଛି ପୋଲିସ ।
ଅଙ୍ଗନବାଡି କେନ୍ଦ୍ରରୁ ଚୋରି ଘଟଣା
ସୂଚନାଅନୁଯାୟୀ, ପାଟକୁରା ଥାନା ଅନ୍ତର୍ଗତ ମହମ୍ମୁଦା ଅଙ୍ଗନବାଡି କେନ୍ଦ୍ରରୁ ଗତ ୨୩ତାରିଖ ଦିନ ଏଲସିଡି ଟିଭି ଓ ଓଜନ ମାପକ ଯନ୍ତ୍ର ଚୋରି ହୋଇଥିଲା । ଅନୁରୂପ ଭାବେ ଗତ ୨୭ତାରିଖ ଦିନ ରାତିରେ ମାଣ୍ଡିଆ ଅଙ୍ଗନବାଡି କେନ୍ଦ୍ରରୁ ଦୁର୍ବୃତ୍ତମାନେ ଏକ ଏଲଇଡି ଟିଭି ସମେତ ଏକ ଇନଭର୍ଟର ମଧ୍ୟ ଚୋରାଇ ନେଇଥିବା ଅଭିଯୋଗ ହୋଇଥିଲା । ଏହା ସହିତ ଗତ ୫ତାରିଖ ଦିନ ରାତିରେ ଦୁର୍ବୃତ୍ତମାନେ ହରିଦାସପୁରରେ ଥିବା ଏକ ଷ୍ଟେସନାରୀ ଦୋକାନରୁ ୪୦ଟି ପର୍ଫ୍ୟୁମ ବୋତଲ, କିଛି ଖେଳଣା, ୧୦ଟି ଗିଫ୍ଟ ଆଇଟମ ସମେତ ଦୁଇଟି କ୍ରିକେଟ ବ୍ୟାଟ ଚୋରାଇବା ପରେ ପୋଲିସ ଆଗରେ ଏକ ନୂଆ ଚ୍ୟାଲେଞ୍ଜ ସୃଷ୍ଚି ହୋଇଥିଲା ।