ପଛପଟୁ ଧକ୍କା ଦେଲା ଅଜଣା ଗାଡି, ଜଣେ ମୃତ

ମାର୍ଶାଘାଇ ଥାନା ଜାତୀୟ ରାଜପଥ ନଂ- ୫(କ) ଟିକରପଙ୍ଗା ଛକ ନିକଟରେ ଅଜଣା ଗାଡି ଧକ୍କାରେ ଜଣେ ମୃତ ୨ ଗୁରୁତର । ମୃତକ ମହାକାଳପଡ଼ା ଥାନା ସାହାବାଜପୁର ଗାଁର ରାଜେଶ ଜେନା । ଅଧିକ ଖବର ପଢନ୍ତୁ...

କେନ୍ଦ୍ରାପଡ଼ା: ମାର୍ଶାଘାଇ ଥାନା ଜାତୀୟ ରାଜପଥ ନଂ- ୫(କ) ଟିକରପଙ୍ଗା ଛକ ନିକଟରେ ଅଜଣା ଗାଡି ଧକ୍କାରେ ଜଣେ ମୃତ ୨ ଗୁରୁତର । ମୃତକ ମହାକାଳପଡ଼ା ଥାନା ସାହାବାଜପୁର ଗାଁର ରାଜେଶ ଜେନା । ରାଜେଶ ନିଜ ବାଇକରେ ନିଜ ଭଉଣୀ ଏବଂ ୨ ବର୍ଷର ଭାଣିଜୀକୁ ନେଇ ପାରାଦୀପ ଯାଉଥିବା ବେଳେ ଟିକରପଙ୍ଗା ନିକଟରେ ପଛପଟୁ ଅଜଣା ଗାଡ଼ି ଧକ୍କା ଦେଇଥିଲା ।

ଫଳରେ ୩ ଜଣ ରାସ୍ତା ଉପରେ ଛିଟିକି ପଡିଥିଲେ । ମାର୍ଶାଘାଇ ପୋଲିସ ଏବଂ ସ୍ଥାନୀୟ ଲୋକମାନେ ସେମାନଙ୍କୁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ସେଠାରେ ଡ଼ାକ୍ତର ରାଜେଶଙ୍କୁ ମୃତ ଘୋଷଣା କରିଥିବା ବେଳେ ରାଜେଶଙ୍କ ଭଉଣୀ ଏବଂ ୨ ବର୍ଷର ଭାଣିଜୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ