କେନ୍ଦ୍ରାପଡା: ସରକାରୀ କଳର ଅପବ୍ୟବହାର । କେବଳ ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ମରାମତି ହେଲା ରାସ୍ତା । ଅନ୍ୟପକ୍ଷରେ ବର୍ଷାଦିନର ପ୍ରତିକୂଳ ପାଗ ସତ୍ତ୍ୱେ ପିଚୁ ହେବା ଓ ଏହି ରାସ୍ତା ଭଲ ଥିବାବେଳେ ଏହା ଉପରେ ଚାଦର ଢାଙ୍କିବା ଭଳି କାର୍ଯ୍ୟ କରିବା ଏକ ବିରାଟ ଦୁର୍ନୀତି ଆଡକୁ ଅଙ୍ଗୁଳି ନିର୍ଦ୍ଦେଶ କରୁଛି ।
କେନ୍ଦ୍ରାପଡ଼ା ଗ୍ରାମ୍ୟ ଉନ୍ନୟନ ବିଭାଗ-୨ ଅଧିନସ୍ଥ ଡେରାବିଶ୍ ବ୍ଲକ ବେଲାରପୁର ଛକ ଠାରୁ ସଦାନନ୍ଦପୁର ରାସ୍ତା । ପ୍ରତି ଛ'ମାସରେ ଏହି ରାସ୍ତାର ମରାମତି ନାମରେ କାମ ଚାଲୁଛି । କିନ୍ତୁ କେଉଁ ଯୋଜନା ଅନୁଯାୟୀ କେଉଁ ପ୍ରକଳ୍ପରେ କାର୍ଯ୍ୟ ହେଉଛି, ତାହା ଜନସାଧାରଣ ଜାଣିବା ପାଇଁ ଅସମର୍ଥ । କାରଣ ଏହି କାମ ହେଉଥିବାବେଳେ ନା ଥାଏ ପ୍ରକଳ୍ପର ନାମ ନା ଥାଏ କୌଣସି ଫଳକ । ସ୍ଥାନୀୟ ଜଣେ ଯୁବକଙ୍କ ଅଭିଯୋଗ ଅନୁଯାୟୀ ଏହି ରାସ୍ତା ଗ୍ରାମ୍ୟ ଉନ୍ନୟନ ବିଭାଗ ପାଇଁ ଲେଉଟିଆ କିଆରୀରେ ପରିଣତ ହୋଇଛି । ରାସ୍ତା ମରାମତି ନାଁରେ ଲକ୍ଷଲକ୍ଷ ଟଙ୍କାର ଦୁର୍ନୀତି ହେଉଥିବା ମଧ୍ୟ ଅଭିଯୋଗ ହେଉଛି ।ଗତକାଲି ଦିନତମାମ ଏହି ରାସ୍ତା କାମ ଦ୍ରୁତ ଗତିରେ ଚାଲିବା ପରେ ରାତିରେ ଗ୍ରାମ୍ୟ ଉନ୍ନୟନ ବିଭାଗର ଅଧିକାରୀଙ୍କ ବିନା ଉପସ୍ଥିତିରେ ନିର୍ମାଣ ହୋଇଛି ରାସ୍ତା । ଯାହାକି ରାତିର ଏହି ଦୃଶ୍ୟରୁ ସ୍ପଷ୍ଟ ପ୍ରମାଣିତ ।