କେନ୍ଦ୍ରାପଡା:ପଞ୍ଚାୟତ ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଭିତରେ ଅନେକ ହିଂସାକାଣ୍ଡ ଘଟିଛି । ଭୋଟିଂ ବେଳେ ବୋମାମାଡ଼, ବୁଥ କ୍ୟାପଚରିଂ, ମାରପିଟ୍, ଗୋଷ୍ଠୀସଂଘର୍ଷ ଭଳି ନିର୍ବାଚନୀ ହିଂସାର କିଛି ଚିତ୍ର ସାମ୍ନାକୁ ଆସିଛି । କେନ୍ଦ୍ରପଡା ଜିଲ୍ଲା ଆଳି ବ୍ଲକ ବଡ଼ଆଙ୍କୋ ଗ୍ରାମରେ ନିର୍ବାଚନ ପରବର୍ତ୍ତୀ ହିଂସାକାଣ୍ଡ ଘଟିଛି। ଗ୍ରାମରେ ଦୁଇଗୋଷ୍ଠୀ ମଧ୍ୟରେ ହିଂସାକାଣ୍ଡ ଘଟି 10 ଜଣ ଆହତ ହୋଇଥିବା ଜଣାପଡ଼ିଛି ।
ଆଳି ବଡ଼ଆଙ୍କୋ ଗାଁରେ ନିର୍ବାଚନୀ ପରବର୍ତ୍ତୀ ହିଂସା
ଅଭିଯୋଗ ଅନୁଯାୟୀ ଗ୍ରାମର ହନୁମାନ ଛକରେ ସୁବ୍ରତ ତ୍ରିପାଠୀ,ସୁଶାନ୍ତ ବେହୁରା,ଅଜୟ ସାହୁ,ସହଦେବ ବେହୁରା, ଅବକାଶ ସେଠୀଙ୍କ ସମେତ ବଡ଼ଆଙ୍କୋ ହନୁମାନ ଛକ ନିକଟରେ ବସି ଗ୍ରାମରେ ନିର୍ମାଣଧୀନ ହନୁମାନ ମନ୍ଦିର ବିଷୟରେ ଆଲୋଚନା କରୁଥିଲେ । ଏହି ସମୟରେ ଗ୍ରାମର ସୁବାଷ ମଲିକ, ରମେଶ ମଲିକ,ବାବାଜୀ ମଲିକଙ୍କ ସମେତ ଅନ୍ୟମାନେ ସେମାନଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିବା ସମୟରେ ଗ୍ରାମବାସୀ ସେଠାକୁ ଆସିବାରୁ ସେମାନେ ପଳାଇ ଯାଇଥିଲେ ।