କେନ୍ଦ୍ରାପଡା: ସଦର ଥାନା ଅଧୀନ ଚାନ୍ଦୋଳ ଅଞ୍ଚଳର ଜଣେ ନାବାଳିକାଙ୍କ ଅଶ୍ଳୀଳ ଭିଡିଓ ଭାଇରାଲ ଘଟଣାରେ କେନ୍ଦ୍ରାପଡ଼ା ପୋଲିସ ୩ ଜଣଙ୍କୁ ଗିରଫ କରିଛି । ଘଟଣାର ସମ୍ପୃକ୍ତ ଯୁବକ,ତାର ଭାଇ ଓ ଏହି ଭିଡ଼ିଓକୁ ପୋଷ୍ଟ କରିଥିବା ୩ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଛି ।
ଅଶ୍ଳୀଳ ଭିଡିଓ ଭାଇରାଲ ଘଟଣା: ୩ ଗିରଫ, ଏବେ ବି ୨ ଫେରାର
ଅଭିଯୋଗ ଅନୁଯାୟୀ, ସଦର ଥାନା ଅଧୀନ ଚାନ୍ଦୋଳ ଅଞ୍ଚଳରେ ପଶ୍ଚିମବଙ୍ଗ ନଦିଆ ଜିଲ୍ଲାର କିଛି ଯୁବକ ରାଜମିସ୍ତ୍ରୀ ଭାବେ ଘରକାମ କରୁଥିଲେ। ଘରକାମ ସମୟରେ ରାଜମିସ୍ତ୍ରୀ ମିଲନ ସହ ଗୃହକର୍ତ୍ତାଙ୍କ ସାନଝିଅର ପ୍ରେମସମ୍ପର୍କ ଗଢି ଉଠିଥିଲା। ଏହି ପ୍ରେମ ସମ୍ପର୍କ ସମୟକ୍ରମେ ଶାରୀରିକ ସମ୍ପର୍କରେ ବଦଳିଥିଲା । ପରେ ହ୍ଵାଟସଆପ ମାଧ୍ୟମରେ ହୋଇଥିବା ଚାଟିଂକୁ ପୀଡିତାଙ୍କ ପଡୋଶୀ ଅଭିଯୁକ୍ତ ମିଲନର ସାନଭାଇ ମୁଲାୟମ ମାଧ୍ୟମରେ ଆଣି ବିଭିନ୍ନ ସୋସିଆଲ ମିଡିଆରେ ଭାଇରାଲ କରିଥିଲେ। ଏନେଇ ଗତ ଜୁନ ମାସରେ ପୀଡିତାଙ୍କ ପକ୍ଷରୁ କେନ୍ଦ୍ରାପଡ଼ା ସଦର ଥାନାରେ ଲିଖିତ ଅଭିଯୋଗ କରାଯାଇଥିଲା।