କେନ୍ଦ୍ରାପଡା: ରାଜ୍ୟରେ ଗତ ମେ' ମାସରୁ ଗଠନ ହୋଇସାରିଛି ସରକାର । ତେବେ ରାଜ୍ୟରେ ଥମି ନାହିଁ ନିର୍ବାଚନର ମାହୋଲ । ଗତ ନିର୍ବାଚନ ସମୟରେ ବାତିଲ ହୋଇଥିବା ପାଟକୁରା ବିଧାନସଭା ପାଇଁ ଭୋଟ ଗ୍ରହଣ ଏହାରି ମଧ୍ୟରେ ଶେଷ ହୋଇଛି । ରାଜନୈତିକ ପତିଆରା ଦୃଷ୍ଟିରୁ ଏହି ଆସନ ଉଭୟ ଦଳ ପାଇଁ ବେଶ ଗୁରୁତ୍ୱପୂର୍ଣ୍ଣ ହୋଇଛି ।
ଗତ ବିଧାନସଭା ନିର୍ବାଚନ ସମୟରେ ବାତିଲ ହୋଇଥିବା ପାଟକୁରା ବିଧାନସଭା ଆସନ ପାଇଁ ଭୋଟ ଗ୍ରହଣ ଶେଷରେ ଗତକାଲି ଶେଷ ହୋଇଛି । ନିର୍ବାଚନ ପ୍ରକ୍ରିୟା ଆରମ୍ଭ ହେଉ ହେଉ ରାଜ୍ୟ ରାଜନୀତିରେ ହଠାତ ପାଟକୁରା ଆସନ ଚର୍ଚ୍ଚାକୁ ଆସିଯାଏ । ପରେ ନିର୍ବାଚନ ବାତିଲ ହେବାପରେ ଏହି ଚର୍ଚ୍ଚା ଆହୁରି ବଢିଯାଏ । ପରେ ଭାରତୀୟ ନିର୍ବାଚନ କମିଶନ ନିର୍ବାଚନ ପାଇଁ ସାନି ତାରିଖ ଭାବେ ଜୁଲାଇ 20କୁ ଘୋଷଣା କଲେ । ଏହା ପରେ ଆରମ୍ଭ ହେଲା ଅସଲ ଲଢେଇ । ଏହି ଆସନକୁ ନିଜ ଦଖଲକୁ ନେବାକୁ ଶାସକ ବିଜେଡି, ବିରୋଧୀ ବିଜେପି ଓ କଂଗ୍ରେସ ସବୁ ଶକ୍ତି ଲଗାଇ ଦେଇଥିଲେ । ବିଜେଡି ବିଜେପିର ହାଇଭୋଲଟେଜ ଲଢେଇରେ କିନ୍ତୁ ପଛରେ ପଡିଗଲା କଂଗ୍ରେସ ।