କେନ୍ଦ୍ରାପଡା: ଜିଲ୍ଲାକୁ ଫେରିଥିବା ପ୍ରବାସୀ ଓଡ଼ିଆଙ୍କ ସ୍ଥିତି ସମ୍ପର୍କରେ ସମୀକ୍ଷା କରିଛନ୍ତି ରାଜ୍ୟସଭା ସାଂସଦ ସୁବାସ ସିଂ । ଶୁକ୍ରବାର ମଧ୍ୟାହ୍ନରେ ସୁବାସ କେନ୍ଦ୍ରାପଡ଼ା ଜିଲ୍ଲାପାଳଙ୍କ ବାସଭବନରେ ପହଞ୍ଚି ଜିଲ୍ଲାକୁ ଫେରିଥିବା 27000 ପ୍ରବାସୀ ଶ୍ରମିକମାନଙ୍କର କାର୍ଯ୍ୟଧାରାକୁ ତ୍ବରାନ୍ବିତ କରିବା ପାଇଁ ଆଲୋଚନା କରିଥିଲେ । ଏଥିସହ ମନରେଗା ଯୋଜନାକୁ ପରିବ୍ୟାପ୍ତ କରିବା ପାଇଁ ଯୋଜନା କରାଯାଇଥିବା ସେ କହିଛନ୍ତି ।
ପ୍ରବାସୀ ଶ୍ରମିକଙ୍କ ସ୍ଥିତି ସମୀକ୍ଷା କଲେ ରାଜ୍ୟସଭା ସାଂସଦ ସୁବାସ ସିଂ
ମନରେଗା କାମରେ କେବଳ ମାଟି କାମ ବଦଳରେ ଅନ୍ୟ ସମସ୍ତ କୁଶଳୀ କାମକୁ ଅନ୍ତର୍ଭୁକ୍ତ କରାଯିବା ପାଇଁ ସୁପାରିଶ କରାଯିବ ବୋଲି କୁହାଯାଇଛି । ଜିଲ୍ଲାକୁ ଫେରିଥିବା ଶ୍ରମିକମାନଙ୍କର ତାଲିକା ପ୍ରସ୍ତୁତ କରାଯାଇ କେଉଁମାନେ ବାହାର ରାଜ୍ୟରେ କୁଶଳୀ ଓ ଅଣକୁଶଳୀ କାର୍ଯ୍ୟ କରୁଛନ୍ତି ତାହାକୁ ଅନୁଶୀଳନ କରାଯାଇ ନିଷ୍ପତ୍ତି ନିଆଯିବ ।