କେନ୍ଦ୍ରାପଡା: ଦୀର୍ଘ ୧୯ବର୍ଷ ଧରି ଶ୍ରମିକ ଭାବେ ବସ୍ତା ପରେ ବସ୍ତା ବୋହି ପରିବାର ପ୍ରତିପୋଷଣ କରୁଛନ୍ତି । ଆଉ ଏବେ ଯୋଗାଣ ବିଭାଗର ଚଞ୍ଚକତା ପାଇଁ ବେରୋଜଗାର ହେବା ଆଶଙ୍କାରେ ସରକାରୀ ପଣ୍ୟଗାର ସମ୍ମୁଖରେ ଆନ୍ଦୋଳନ କରିଛନ୍ତି ୨୧ଜଣ ଶ୍ରମିକ । ଏ ହେଉଛି କେନ୍ଦ୍ରାପଡ଼ା ବେସାମରିକ ଯୋଗାଣ ବିଭାଗ ଅଧିନ ଲକ୍ଷ୍ମୀନାରାୟଣପୁର ସରକାରୀ ଶସ୍ୟ ପଣ୍ୟଗାର ସମ୍ମୁଖର ଦୃଶ୍ୟ ।
ପଣ୍ଯାଗାରରୁ ରାଜନଗର ବ୍ଲକକୁ ବାଦ ଦେବା ପ୍ରତିବାଦରେ ଶ୍ରମିକଙ୍କ ଆନ୍ଦୋଳନ
୨୦୧୭ ମସିହାରୁ ପ୍ରତିମାସରେ ଲକ୍ଷ୍ମୀନାରାୟଣପୁରରେ ଥିବା ଶସ୍ୟଗରରୁ ଡେରାବିଶ୍ ଓ ରାଜନଗର ବ୍ଲକ ପାଇଁ ପିଡ଼ିଏସ ଚାଉଳ ଉଠାଯାଉ ଥିବାବେଳେ ଦୁଇଟି ବ୍ଲକରେ ଉଭୟ ଗହମ ଓ ଚାଉଳ ପ୍ୟାକେଟର ପରିମାଣ ଥିଲା ୨୬ହଜାର । ଏକ ପ୍ୟାକେଟକୁ ଠିକାଦାର ଠାରୁ ୩ ଟଙ୍କା ହିସାବରେ ଏମାନେ ୭୮ ହଜାର ଟଙ୍କା ଆୟ କରୁ ଥିବାବେଳେ ଜାନୁଆରୀରୁ ସେପ୍ଟେମ୍ବର ମାସ ପର୍ଯ୍ୟନ୍ତ ନିଜସ୍ୱ ମିଲ ଚାଉଳ ଆସୁଥିବାରୁ ଅନଲୋଡିଂ ବାବଦକୁ ଏମାନଙ୍କ ଆୟ ମାସିକ ୫୦ହଜାର ଟଙ୍କା ରହୁଥିଲା । ମାସ ଶେଷକୁ ଜଣେ ଶ୍ରମିକ ୧୦ହଜାର ଟଙ୍କା ଆୟ କରି ପରିବାର ପ୍ରତିପୋଷଣ କରୁଥିଲେ ।