କେନ୍ଦ୍ରାପଡା: ଜିଲ୍ଲାରେ ସୁସ୍ଥ ହେଲେଣି 26 କୋଭିଡ ଆକ୍ରାନ୍ତ । କେନ୍ଦ୍ରାପଡ଼ା ଜିଲ୍ଲାପାଳଙ୍କ ସୂଚନା ଅନୁଯାୟୀ କୋରୋନା ଆକ୍ରାନ୍ତ ହୋଇ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିବା ବ୍ୟକ୍ତିବିଶେଷ ସୁସ୍ଥ ହୋଇ ଘରକୁ ଫେରିଛନ୍ତି । ପୂର୍ବରୁ 9 ଜଣ ସୁସ୍ଥ ହୋଇଥିବା ବେଳେ ସୋମବାର 13ଜଣ ଓ ଗୁରୁବାର 4ଜଣ ସୁସ୍ଥ ହୋଇଥିବା ସୂଚନା ଦେଇଛନ୍ତି ଜିଲ୍ଲାପାଳ ସମର୍ଥ ବର୍ମା ।
ସେହିପରି କେନ୍ଦ୍ରାପଡ଼ା ପୌରାଞ୍ଚଳର 10ନଂ ୱାର୍ଡ ମାଧପୁର ଅଞ୍ଚଳକୁ ସୋମବାର ସନ୍ଧ୍ୟାରୁ 48ଘଣ୍ଟା ପାଇଁ ନିଷିଦ୍ଧାଞ୍ଚଳ ଭାବେ ଘୋଷଣା କରାଯାଇଥିବା ବେଳେ ମୋଟ 72ଟି ପରିବାରର 280 ଜଣଙ୍କ ଗତକାଲି ସ୍ବାସ୍ଥ୍ୟ ପରୀକ୍ଷା କରାଯାଇଛି । ଚିହ୍ନଟ ହୋଇଥିବା ବ୍ୟକ୍ତିଜଣଙ୍କ ମାନସିକ ଅବସ୍ଥା ଠିକ୍ ନଥିବା ହେତୁ ସେ ବିଭିନ୍ନ ସ୍ଥାନରେ ବୁଲାବୁଲି କରୁଥିବା ସନ୍ଦେହରେ ଜିଲ୍ଲା ପ୍ରଶାସନ ଉକ୍ତ ଅଞ୍ଚଳକୁ ନିସିଦ୍ଧାଞ୍ଚଳ ଘୋଷଣା କରାଯାଇଛି । ଚିହ୍ନଟ ହୋଇଥିବା ବ୍ୟକ୍ତିଜଣଙ୍କ ପାଖରେ କୌଣସି ଲକ୍ଷଣ ଦେଖାଯାଇ ନାହିଁ । ତେବେ ସୁସ୍ଥ ହୋଇ ଫେରୁଥିବା ସମସ୍ତ ଆକ୍ରାନ୍ତ ଆସନ୍ତା କିଛିଦିନ ପର୍ଯ୍ୟନ୍ତ ଅଲଗା କୋଠରୀରେ ରହିବା ସହିତ ଅନ୍ୟମାନଙ୍କ ଠାରୁ ଅତି କମରେ 6ଫୁଟର ଦୂରତା ରଖିବାକୁ ପରାମର୍ଶ ଦେଇଛନ୍ତି ଜିଲ୍ଲାପାଳ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ