କେନ୍ଦ୍ରାପଡା: ଲକ୍ଷ୍ମୀପୂଜା ମେଲଣ ପାଇଁ ଦୁଲୁକୁଛି କେନ୍ଦ୍ରାପଡ଼ା । ଭଳିକି ଭଳି ବାଜାରେ ପ୍ରକମ୍ପିତ ହେଉଛି ସାରା ପରିବେଶ । ବାଜାର ତାଳକୁ ତାଳ ମିଳାଇ ପୂଜା କମିଟିର ସଦସ୍ୟ ମାନେ ନାଚୁଛନ୍ତି ଓ ନଚାଉଛନ୍ତି । କୁମାର ପୂର୍ଣ୍ଣିମା ଠାରୁ ଆରମ୍ଭ ହୋଇଥିବା ଗଜଲକ୍ଷ୍ମୀ ପୂଜାର ଶନିବାର ଶେଷଦିନ ଥିବାବେଳେ ରବିବାର ହେଉଛି ମେଳଣର ପ୍ରଥମ ଦିନ । ଆଉ ନାଚଗୀତର ତାଳେ ତାଳେ ମାଆ ଗଜଲକ୍ଷ୍ମୀଙ୍କୁ ସମସ୍ତେ ଦେଉଛନ୍ତି ମେଲାଣି ।
ତେବେ କେନ୍ଦ୍ରାପଡାରେ ପୂର୍ବରୁ ଭସାଣ ଉତ୍ସବ 3ଦିନ ଧରି ପାଳିତ ହୋଇଆସୁଥିଲା । ହେଲେ ଗତ ଦୁଇ ବର୍ଷ ହେବ ଭସାଣ ଉତ୍ସବ 2ଦିନ ଧରି ପାଳିତ ହେଉଛି । ପ୍ରଶାସନିକ ନିର୍ଦ୍ଦେଶ ମୁତାବକ, ରବିବାର ପ୍ରତ୍ୟେକ ମେଢ ପୁରୁଣା ବସ୍ଷ୍ଟାଣ୍ଡରେ ପହଞ୍ଚିବା ପରେ ସୋମବାର ବିସର୍ଜନ କରାଯିବ ।
ଧରାଧାମରୁ ବିଦାୟ ନେଉଛନ୍ତି ଧନଦାତ୍ରୀ